"فێڵباز"ه‌كه‌ی‌ به‌غدا ده‌ستگیر كرا


وێستگه‌ نیوز –
هێزه‌ ئه‌منییه‌كانی‌ عیراق كه‌سێكیان ده‌ستگیركرد كه‌ به‌ به‌ناوبانگترین "فێڵباز" له‌ به‌غدای‌ پایته‌خت ناسراوه‌ و خۆی‌ واده‌رخستووه‌ كه‌ باری‌ ته‌ندروستی‌ تێكچووه‌ و له‌سه‌ر شه‌قامه‌كان بوراوه‌ته‌وه‌ بۆ ئه‌وه‌ی‌ پاره‌ له‌ قوربانییه‌كانی‌ بكێشێته‌وه‌.

به‌ڕێوه‌به‌رایه‌تی‌ پۆلیسی‌ فریاكه‌وتنی‌ به‌غدا رایگه‌یاند كه‌ فێڵبازێكیان ده‌ستگیركردووه‌ كه‌ خۆی‌ واده‌رخستووه‌ كه‌ نه‌خۆشه‌ و خۆی‌ ده‌خاته‌به‌رده‌م ئۆتۆمبێله‌كان وا خۆی‌ ده‌رده‌خات كه‌ كردوویانه‌ به‌ژێره‌وه‌.

پۆلیسی‌ فریاكه‌وتنی‌ به‌غدا له‌ راگه‌یه‌ندراوێكدا ده‌ڵێت: "دوای‌ به‌ده‌ستهێنانی‌ بڕیاری‌ دادوه‌ر ئه‌و كه‌سه‌ ده‌ستگیركراوه‌".

ئاماژه‌شی‌ به‌وه‌دا كه‌ ئه‌و كه‌سه‌ له‌نزیك یاریگای‌ شه‌عب فێڵی‌ له‌ هاوڵاتیان كرووه‌ و واخۆی‌ ده‌رخستووه‌ كه‌ نه‌خۆشه‌ و خۆی‌ فڕێده‌داته‌ به‌رده‌م ئۆتۆمبێله‌كان و دواتر شۆفێری‌ ئۆتۆمبێله‌كان تۆمه‌تبار ده‌كات به‌وه‌ی‌ كردویانه‌ به‌ژێره‌وه‌ به‌ عه‌شایه‌ری‌ ئیبتیزازیان ده‌كات.

به‌گوێره‌ی‌ چه‌ند سه‌رچاوه‌یه‌ك ئه‌و پیاوه‌ ئه‌و فێڵه‌ به‌كاردێنێت بۆ جوڵاندنی‌ سۆزی‌ خه‌ڵكی‌ تا بیبه‌نه‌ نه‌خۆشخانه‌ و له‌وێ‌ تۆمه‌تباریان ده‌كات به‌وه‌ی‌ هه‌وڵی‌ فڕاندنیان داوه‌ و وازیان لێناهێنێت كه‌ تا پاره‌یه‌كی‌ زۆریان لێنه‌سێنێت كه‌ هه‌ندێك جار ده‌گاته‌ هه‌زاران دۆلار.

له‌ ماوه‌كانی‌ رابردوودا چالاكوانانی‌ تۆڕه‌ كۆمه‌ڵایه‌تییه‌كان وێنه‌ی‌ ئه‌و پیاوه‌یان بڵاوكردووه‌ته‌وه‌ و هۆشدارییان داوه‌ كه‌ كه‌س به‌ خۆده‌رخستن و نواندنه‌كانی‌ فریو نه‌خوات.

سه‌رچاوه‌: RT


PM:08:37:10/07/2019








ئه‌م بابه‌ته 6680 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت