وه‌زاره‌تی ته‌ندروستی: حكومه‌ت به‌رده‌وامه‌ له‌ یه‌كخستنی نرخی ده‌رمان


وێستگه‌ نیوز ـ
وته‌بێژی وه‌زاره‌تی ته‌ندروستیی حكومه‌تی هه‌رێمی كوردستان رایگەیاند، له‌ رێگای لیژنه‌ تایبه‌تمه‌نده‌كانه‌وه‌ به‌ردوامن له‌ یه‌كخستن و چاودێریكردنی نرخی ده‌رمان و له‌ناوبردنی ده‌رمانی بێكواڵێتی.


خالیس قادر، وته‌بێژی وه‌زاره‌تی ته‌ندروستی حكومه‌تی هه‌رێمی كوردستان، بۆ وێستگه‌ نیوز وتی: "حكومه‌تی هه‌رێم به‌رده‌وامه‌ له‌ یه‌كخستنی نرخی ده‌رمان له‌ سه‌رتاسه‌ری كوردستان، تا ئێستاش زیاتر له‌ پێنج هه‌زار و 500 جۆره‌ ده‌رمان نرخیان یه‌ك خراوه و، تا ته‌واوبوونی هه‌موو جۆره‌كانی ده‌رمان‌ پرۆسه‌كه‌ش به‌رده‌وام ده‌بێت".

رایشیگه‌یاند: "جگه‌ له‌ یه‌كخستنی نرخه‌كان له‌ رێگای لیژنه‌ی تایبه‌تمه‌نده‌وه،‌ چاودێریی كۆمپانیا و كۆگا و ده‌رمانخانه‌كان ده‌كه‌ین بۆ پابه‌ندبوونیان به‌و نرخه‌ی كه‌ له‌ لایه‌ن حكومه‌ته‌وه‌ بۆیان دیاری كراوه‌، ئه‌گه‌ر سه‌رپێچیی بڕیاره‌كانی حكومه‌ت بكه‌ن، ئه‌وه‌ تووشی سزای یاسایی ده‌بن".

خالیس قادر ئاماژه‌ی به‌وه‌شدا: "به‌هۆی كارایی كوالێتی كۆنترۆڵەوە ئێستا به‌ته‌واوی كۆنتڕۆڵی كواڵێتی و هێنانی ده‌رمان كراوه‌، رێگا نادرێت هیچ جۆره‌ ده‌رمانێكی كواڵێتی نزم بێته‌ هه‌رێمی كوردستان".

وته‌بێژی وه‌زاره‌تی ته‌ندروستی ئاشكرایشی كرد: "جگه‌ له‌ ده‌رمانی هاورده،‌ له‌ ناوخۆی هه‌رێمی كوردستانیش دوو كۆمپانیای تایبه‌ت به‌ دروستكردنی ده‌رمان هه‌ن،‌ كه‌ به‌ شێوه‌یه‌كی ورد له بواری‌ چۆنیه‌تیی دروستكردن و كۆالێتیی به‌رهه‌مه‌كانیانەوە له‌ژێر كۆنترۆڵی حكومه‌تدان".

هــ. ر


PM:11:03:26/06/2019


ئه‌م بابه‌ته 2072 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت

زۆرترین خوێندراو