میری كوه‌یت سه‌ردانی عیراق ده‌كات
وێستگه نیوز –
بڕیاره چوارشه‌ممه‌ی داهاتوو میری كوه‌یت به سه‌ردانێكی ره‌سمی سه‌ردانی عیراق بكات و لەگەڵ بەرپرسانی عیراقیدا چەن دۆسیەیەک تاووتوێ بکات.
پێگه‌ی "روسیا ئه‌لیه‌وم" له زاری به‌رپرسێكی دیپلۆماتی عیراقییه‌وه بڵاویكرده‌وه كه "چوارشه‌ممه‌ی داهاتوو سه‌باح ئه‌حمه‌د ئه‌لجابر ئالسه‌باح میری كوه‌یت سه‌ردانی عیراق ده‌كات".
سه‌رچاوه‌كه وتی: "له میانی سه‌ردانه‌كه‌یدا میری كوه‌یت چاوی به سه‌رۆك كۆمار و سه‌رۆك وه‌زیران و په‌رله‌مانتاران ده‌كه‌وێت".
ئاماژه‌شی به‌وه‌دا كه قه‌یرانی نێوان ئه‌مریكا و تاران یه‌كێك له دۆسێكانی وتووێژی میری كوه‌یت له‌گه‌ڵ به‌رپرسانی عیراقی ده‌بێت.
كاتێكی پێشتر خالید جاره‌ڵڵا جێگری وه‌زیری ده‌ره‌وه‌ی كوه‌یت رایگه‌یاند كه له چوارچێوه‌ی په‌یوه‌ندییه نایابه‌كانی نێوان هه‌ردوو وڵاتدا، كوه‌یت و عیراق له‌سه‌ر زۆر پرس ته‌وافوقیان هه‌یه.
PM:04:55:17/06/2019
ئه‌م بابه‌ته 3036
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت