كه‌سێك به‌ 4 كیلۆگرام ماده‌ی‌ هۆشبه‌ره‌وه‌ ده‌ستگیركرا

له‌ راگه‌یه‌ندراوێكدا كه‌ وێنه‌یه‌كی‌ ده‌ست وێستگه‌ نیوز كه‌وتووه‌، به‌ڕێوه‌به‌رایه‌تی ئاسایشی ھه‌ولێر رایگه‌یاند كه‌ كه‌سێكیان ده‌ستگیر كردووه‌ كه‌ چوار كیلۆ و 100 گرام ماده‌ی ھۆشبه‌ری پێبووه‌ و ویستویه‌تی مامه‌ڵه‌ی پێوه‌بكات.

له‌ راگه‌یاندراوه‌كه‌دا ھاتووه‌: "پاش چاودێری كردنی گومانلێكراوێكی بازرگانی ماده‌ی ھۆشبه‌ر له‌ 28ی‌ ئایاری‌ 2019 مه‌فره‌زه‌كانمان توانیان تۆمه‌تبار (أ.غ . م) كه‌ خه‌ڵكی شاری موسڵه‌ به‌ بڕی چواركیلۆ و 100 گرام ماده‌ی ھێرۆیین له‌ شاری ھه‌ولێره‌وه‌ ده‌ستگیر بكه‌ن، كه‌ له‌ مووسڵه‌وه‌ ھێنابووی".

ئاماژه‌شی‌ به‌وه‌داوه‌ كه‌ "تۆمه‌تبار به‌ ماده‌ی (14 مخدرات) راگیراوه‌ و لێكۆڵینه‌وه‌ له‌گه‌ڵی به‌رده‌وامه‌ و رێوشوێنی یاسایی به‌رامبه‌ری گیراوه‌ته‌به‌ر".

ئاسایشی ھه‌ولێر داوا له‌ ھاووڵاتیان ده‌كات كه‌ "له‌كاتی بوونی ھه‌ر زانیارییه‌ك له‌سه‌ر كه‌سانی گوماناوی و تاوانبار به‌ زوترین كات بنكه‌ و بازگه‌كانی ئاسایش ئاگادار بكه‌نه‌وه‌".

PM:04:49:12/06/2019

ئه‌م بابه‌ته 1936 جار خوێنراوه‌ته‌وه‌‌

لێرەوە کۆمێنت بنوسە لە فەیسبوک دەردەکەوێت