هاتوچۆی سلێمانی شۆفێران ئاگادار دەکاتەوە

به‌ڕێوه‌به‌رایه‌تى هاتووچۆی سلێمانى له‌ئاگادارییه‌كدا رایگەیاندوە "ئاگاداری شۆفێران دەکەینەوە كه‌ له‌ئێستادا به‌هۆی كاركردنی تیمه‌كانی شاره‌وانی شه‌قامی سلێمانی بۆ ڕاپه‌ڕین به‌شێكی سایدی به‌رده‌م شه‌قامی ماجدی مۆڵ به‌ره‌و چوارڕیانی سه‌رچنار به‌ربه‌ستكراوه‌و قه‌ره‌باڵغی دروستبوه‌".

بەڕێوبەرایەتی هاتوچۆی پارێزگای سلێمانی داوا له‌شۆفێران و هاوڵاتیان ده‌كات، هاوكاری تیمه‌كانی شاره‌وانی بكه‌ن، تا نۆژه‌نكردنه‌وه‌ی شه‌قامه‌كه‌ كۆتایی دێت، شۆفێران دەتوانن شەقامی جێگرەوە بەکار بهێنن.