وه‌زاره‌تی دارایی هه‌رێم هاورده‌كردنی ئه‌سپی له توركیاوه راگرت
وێستگه نیوز ـ
وه‌زاره‌تی دارایی و ئابووری حكومه‌تی هه‌رێمی كوردستان له رێنماییه‌كدا هاورده‌كردنی ئه‌سپی توركی له ده‌روازه‌ی نێوده‌وڵه‌تی ئیبراهیم خه‌لیل-ه‌وه قه‌ده‌غه كرد.
له راگه‌یاندراوێكدا كه‌وێنه‌یه‌كی ده‌ست وێستگه نیوز كه‌وتووه، تیایدا كۆمه‌ڵگای سنوری نێوده‌وڵه‌تی ئیبراهیم خه‌لیل رایده‌گه‌یه‌نێت، كە وەزارەتی دارایی و ئابووریی حكومەتی هەرێمی كوردستان هاورده‌ی ئه‌سپی توركی بۆ ناو هەرێمی كوردستان قه‌ده‌غه كرد.
كۆمه‌ڵگاكه ئاماژه‌ی به‌وه‌شكردووه: لە دوای بڵاوبوونه‌وه‌ی ڤایرۆسی (رۆژئاوای نیل) له توركیا و سەرهەڵدانی مه‌ترسی گواستنەوەی ڤایرۆسەكە، بڕیار دراوه رێگا نه‌درێت ئه‌سپی توركی به هه‌موو جۆره‌كانیەوە بێته هه‌رێمی كوردستان.
هــ. ر
AM:10:21:20/05/2019
ئه‌م بابه‌ته 11044
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت