دوای هاککردنی پەیجە فەرمییەکەی پۆلیسی سلێمانی پەیجێكی نوێ دەكاتەوە
وێستگە نیوز-
پۆلیسی سلێمانی لەبارەی پەیجی بەڕێوەبەرایەتییەكەیان لەتۆڕی كۆمەڵایەتی فەیسبوك
روونكردنەوەیەكی بڵاوكردەوەو داوا لە بەكارهێنەرانی تۆڕی كۆمەڵایەتی فەیسبووك و
كەناڵەكانی راگەیاندن و رۆژنامەنوس و میدیاكاران دەكات جگە لەپەیجێكی فەرمییەکان
زانیاری لەهیچ لاپەڕە و پەیجێكی دیكە وەرنەگرن.
ئەمڕۆ پێنجشەممە بەڕێوەبەرایەتی پۆلیسی سلێمانی روونكردنەوەیەكی
بڵاوکردووەتەوە و رایگەیاندوە "بۆ زانیاری و بەرچاو روونی هەموولایەك،
بەڕێوەبەرایەتی پۆلیسی پارێزگای سلێمانی، بەمەبەستی زیاتر گەیاندنی پەیام و
ئاگاداری و رێنماییەكانی بە هاووڵاتیان، لەپێناو پاراستنی ئارامی و ئاسایش شار و
پاراستنی ژیانی هاووڵاتیان، هاوكات دروستكردنی پەیوەندی لەڕێگەی تۆڕی كۆمەڵایەتی
فەیسبووك و كارئاسانی بۆ هاووڵاتیان لە بەدەست گەیشتنی زانیاری و رێنماییەكان، لە
تۆڕی كۆمەڵایەتی فەیسبووك تەنها خاوەنی ئەم پەیجەیە،بەم ناونیشانەكە لەلایەن كارمەندانی بەشی
راگەیاندن و پەیوەندییەكانی بەڕێوەبەرایەتمان بەچاودێری عمیدی مافپەروەر ئاسۆ تەها
بەرێوەبەری پۆلیسی پارێزگای سلێمانی سەرپەرشتی دەكرێت".
پۆلیسی سلێمانی ئاماژەی بەوەشداوە "داوا لە گشت هاووڵاتیان و بەتایبەت
بەكارهێنەرانی تۆڕی كۆمەڵایەتی فەیسبووك و كەناڵەكانی راگەیاندن و رۆژنامەنووس و
میدیاكاران دەكەین، جگەلەم پەیجە رەسمییە زانیاری لەهیچ لاپەڕەو پەیجێكی دیكە
وەرنەگرن و مامەڵەی لەگەڵدا نەكەن".
هــ. ب
AM:11:47:25/04/2019
ئهم بابهته 1640
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت