فەرەنسا.. خۆپیشاندانی هێلەک زەردەکان دەستی پێکردەوە

وێستگە نیوز-

خۆپیشاندانی هێله‌ك زه‌رده‌كان له‌ پاریسی پایته‌ختی فه‌ڕه‌نسا ده‌ستیپێكرده‌وه‌ و هێزەکانی پۆلیسیش بەتوندی روبەڕویان بونەوە.

ئه‌مڕۆ شه‌ممه‌ جارێكی دیكه‌ خۆپیشاندانی هێله‌ك زه‌رده‌كان لە پاریسی پایتەختی فەرەنسا ده‌ستیپێكردەوە و خۆپیشانده‌ران هه‌وڵیاندا بچنه‌ ناو كۆشكی سه‌رۆكایه‌تی وڵاته‌كه‌وه‌.

بەهۆی تودوتیژی خۆپیشاندەران و هەوڵەکانیان بۆ چونە ناو کۆشکی سەرۆکایەتی فەرەنسا، هێزەکانی پۆلیس بە توندی روبەڕویان بونەوە وچەندین شەقامیان بەڕودا داخسستون و هەروەها له‌ خۆپیشانده‌كه‌ی ئه‌مڕۆشدا 70 كه‌س ده‌ستگیركراون.

خۆپیشاندانەکان تاوەکو ئێوارەی ئەمڕۆ بە دروشمی دوبارە نۆژەنکردنەوەی کڵێسای نۆتردام چارەسەر نییە بۆ هەموو کێشەکانی دیکەی وڵات  بەردەوام بو.

هــ. ب

PM:09:53:20/04/2019

ئه‌م بابه‌ته 812 جار خوێنراوه‌ته‌وه‌‌

لێرەوە کۆمێنت بنوسە لە فەیسبوک دەردەکەوێت