یاری‌ په‌بجی‌ له‌ هندستان قه‌ده‌غه‌ كرا


وێستگه‌ نیوز –
ده‌سه‌ڵاتدارانی‌ وڵاتی‌ هندستان بڕیاریاندا به‌ قه‌ده‌غه‌كردنی‌ یاری‌ به‌ناوبانگی‌ په‌بجی‌ له‌و وڵاته‌دا و هۆشدارییان دا له‌وه‌ی‌ هه‌ر هاوڵاتییه‌ك ئه‌و یارییه‌ بكات، ده‌خرێته‌ زیندانه‌وه‌.

دوای‌ بڕیاره‌كه‌ش له‌ شاره‌ جیاوازه‌كانی‌ هندستان 26 كه‌س به‌ تۆمه‌تی‌ یاریكردنی‌ په‌بجی‌ ده‌ستگیران و خرانه‌ زیندانه‌وه‌.

ئه‌م بڕیاره‌ له‌لایه‌ن هندییه‌كانه‌وه‌ بووه‌ مایه‌ی‌ گاڵته‌جاڕی‌ و پێیانوایه‌ كه‌ پێویستی‌ نه‌ده‌كرد، ده‌سه‌ڵاتداران ئه‌و یارییه‌ قه‌ده‌غه‌ بكه‌ن.

هاوگات تیمی‌ دامه‌زرێنه‌رانی‌ یارییه‌كه‌ ده‌ستیانكرد به‌ په‌یوه‌ندیكردن به‌ ده‌سه‌ڵاتدارانی‌ هندستانه‌وه‌ بۆ زانینی‌ هۆكاری‌ قه‌ده‌غه‌كردنی‌ و هه‌وڵی‌ چاره‌سه‌ركردنی‌.

یه‌كێك له‌و هۆكارانه‌ی‌ به‌رپرسانی‌ هندستان یارییه‌كه‌یان قه‌ده‌غه‌كردووه‌ ئه‌وه‌یه‌ كه‌ په‌بجی‌ هۆكارێكه‌ له‌ هۆكاره‌كانی‌ ئه‌شكه‌نجه‌دان و توندوتیژی‌ له‌ زۆربه‌ی‌ ماڵاندا و به‌رده‌وامبوونی‌ حه‌زی‌ توندوتیژی‌ لای‌ زۆربه‌ی‌ لاوانی‌ هندی‌ دروست ده‌كات.

سه‌رچاوه‌: sputnik


PM:10:31:27/03/2019


ئه‌م بابه‌ته 1916 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت

هەواڵی پەیوەندیدار

زۆرترین خوێندراو