ده‌میرتاش: ئه‌ردۆغان ئابوری توركیای داڕماند

‌سه‌ڵا‌حه‌دین ده‌میرتاش

وێستگه‌ نیوز ـ
سه‌ڵا‌حه‌دین ده‌میرتاش هاوسه‌رۆكی پێشووی پارتی دیموكراتی گه‌لان هه‌ده‌په‌، رایگه‌یاند ده‌بێت رۆژی 31ی ئازار پارتی ده‌سه‌ڵاتدار سزا بده‌ن و ده‌شڵێت: "ئه‌ردۆغان ئابوری توركیای داڕماند".


ئەمرۆ سێشەممە 26ی ئازاری‌ 2019، سه‌ڵا‌حه‌دین ده‌میرتاش، سیاسه‌تمه‌داری كورد و هاوسه‌رۆكی پێشووی پارتی دیموكراتی گه‌لان هه‌ده‌په‌ له‌ زیندان و له‌ رێگه‌ی پارێزه‌ره‌كانیه‌وه‌ وڵامی پرسیاری رۆژنامەنووسانی دایه‌وه‌ و رایگەیاند: له‌ 31ی ئازار ده‌نگده‌رانی هه‌ده‌په‌ كۆتایی به‌ قه‌یومی سه‌پێندراو ده‌هێنن و ئاكپارتی و مه‌هه‌په‌ سزاده‌ده‌ن.

ده‌میرتاش روونیكرده‌وه‌: له‌ مێژوویی توركیادا هیچ كاتێك وه‌ك ئه‌مرۆ سیاسه‌ت، ره‌وشت، میدیا و ئازادی كه‌سی به‌رته‌سكنه‌كراوه‌ته‌وه‌، ئاك پارتی و مه‌هه‌په‌ هه‌موو به‌هاكانی مرۆڤایه‌تیان خستوه‌ته‌ ژێرپێ.

ئه‌وه‌شی خسته‌روو: ئه‌ردۆغان سه‌ركه‌وتوو نابێت لەبەر ئەوەی به‌ "هه‌ره‌شه‌ و درۆكرن" بانگه‌شه‌ی هه‌ڵبژردن له‌ توركیا به‌رێوه‌ده‌بات، ئه‌وه‌ش بۆخه‌ڵكی توركیا رونبوه‌ته‌وه‌ كه‌ سیاسه‌ته‌کانی ئه‌رۆدغان ئابووری توركیای له‌ناوبردو و رۆژانه‌ ئابووری وڵات لاوازتر ده‌بێت.

پارتی دیموکراتی گەلان (هەدەپە)، لەگەڵ حه‌وت پارتی باکووری کوردستان هاوپەیمانی دروستکردووە لەژێر ناوی "بەرەی نەتەوە پەروەر و دیموکرات" ئەوەش بۆ هەڵبژاردنی 31ی ئازاری 2019، بۆ ئەوەی دەنگی کوردانی باکوور پەرت نەبێت و بۆ پارتەکانی تر نەڕوات. 

کورد دەیەوێت لە رێگای هەڵبژردنەکەی 31ی ئازارەوە جارێکی تر سەرۆک شارەوانییەکانی باکووری کوردستان بەدەستبهێنێتەوە.


PM:04:04:26/03/2019


ئه‌م بابه‌ته 1960 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت

زۆرترین خوێندراو