كۆسرهت رهسوڵ: با نەورۆز بكەینە دەرفەتێك بۆ ئاشتەوایی و بنیاینانی حكومەتێكی خزمەتگوزار
كۆسرەت رەسول عەلی
وێستگه نیوزـ
جێگری یهكهمی سكرتێری گشتی یهكێتی نیشتمانی كوردستان له پهیامی جهژنی نهورۆز و رزگاركردنی كهركوكدا داوایكرد سەری ساڵی نوێێ كوردی بكرێتە دەرفەتێك بۆ ئاشتەوایی نیشتمانی و بنیاینانی حكومەتێكی خزمەتگوزار، هیواشیخواست دۆخی كهركوك ئاسایی بكرێتهوه.
كۆسرەت ڕەسول عەلی، جێگری یهكهمی سكرتێری گشتی یهكێتی بەبۆنەی هاتنەوەی نەورۆزو سەری ساڵی كوردی و ڕزگاركردنی كەركوك پهیامێكی بڵاوكردهوه و رایگهیاند: ئەمڕۆ كە هاوكاتی جەژنی نەورۆزو ساڵڕۆژی رزگاركردنی كەركوكە، هیواخوازم دۆخی كەركوك ئاسایی بكرێتەوەو حوكمی كەركوك بۆ كەركوكییەكان بگەڕێتەوە.
جێگری سكرتێری گشتی یەکێتی دهڵێت: "با هەموومان لەهێزو لایەنە سیاسییەكان، جەژنی نەورۆز و سەری ساڵی نوێێ كوردی بكەینە دەرفەتێك بۆ ئاشتەوایی نیشتمانی و بنیاینانی حكومەتێكی خزمەتگوزارو خزمەتكاری كوردستانیان و هەوڵەكان بخەینەگەڕ بۆ مسۆگەركردنی ئایندەیەكی ڕۆشن بۆ خۆمان و نەوەكانمان. "
دهقی پهیامهكهی كۆسرەت ڕەسول عەلی:
بەبۆنەی هاتنەوەی سەری ساڵی تازەی كوردی و جەژنی نەورۆز، گەرمترین پیرۆزبایی ئاراستەی كوردستانیان لەگشت جیهان دەكەم، ئومێدەوارم سەری ساڵی نوێی كوردی، ساڵی ئاشتەوایی نێوان لایەنەكان و خزمەتكردنی زیاتری كۆمەڵانی خەڵكی كوردستا ن بێ. بەدرێژایی مێژووی گەلەكەمان، هەمیشە هاتنەوەی سەری ساڵی نوێی كوردی و وەرزی بەهارو هەڵكردنی ئاگری نەورۆز لەڕۆژە سەخت و ناخۆشەكاندا، مژدەی خۆشی و ئازادی بۆ گەلی كورد پێ بووەو ساڵی نوێبوونەوەی خەون و ئاواتەكان و سەرهەڵدانەوەی ئومێدی شۆڕش و ڕۆحی بەرەنگاری بووە.
28 ساڵ لەمەوبەرو هاوكاتی هاتنی سەری ساڵی تازەی كوردی و جەژنی نەورۆز، لەدرێژەی ڕاپەڕینی كوردستانیان ڕزگاركردنی كەركووك تاجی سەركەوتنی تەواوەتی لە سەری ڕاپەڕین ناو بەخوێنی شەهیدانی سەركردەی وەك شەهید عەبدولڕەزاق و شەهید حەمەعەلی بەر خانەقا و دەیان و سەدان شەهیدی قارەمانی تر مژدەی یەكجارەكی ئازادی چرپاندە گوێی هەموو كوردێك.
ئەمڕۆ كە هاوكاتی جەژنی نەورۆزو ساڵڕۆژی رزگاركردنی كەركووكە، هیواخوازم دۆخی كەركووك ئاسایی بكرێتەوەو حوكمی كەركووك بۆ كەركووكییەكان بگەڕێتەوەو هەموو هێزو لایەنە سیاسییەكان دەست لەناو دەست كاربكەین بۆ خزمەتكردنی زیاتری گەلەكەمان و هەوڵی جدی بدەین بۆ تەواو جێبەجێكردنی بەرنامەو پلانی ڕاپەڕین و هەموو ئەو ئامانجانەی ساڵەهایە قوربانی بۆ دەدەین.
با هەموومان لەهێزو لایەنە سیاسییەكان، جەژنی نەورۆز و سەری ساڵی نوێێ كوردی بكەینە دەرفەتێك بۆ ئاشتەوایی نیشتمانی و بنیاینانی حكومەتێكی خزمەتگوزارو خزمەتكاری كوردستانیان و هەوڵەكان بخەینەگەڕ بۆ مسۆگەركردنی ئایندەیەكی ڕۆشن بۆ خۆمان و نەوەكانمان.
كۆسرەت ڕەسول عەلی
جێگری سكرتێری گشتی یەكێتی نیشتمانی كوردستان
PM:10:33:19/03/2019
ئهم بابهته 3904
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت