جێگرانی سكرتێری گشتیی یهكێتی لهگهڵ حهلبوسی كۆبونهوه
حەلبوسی و کۆسرەت رەسوڵ و بەرهەم ساڵح
وێستگه نیوزـ
دوای گهشیتنی بۆ شاری سلێمانی و پێشوازیكردنی لهلایهن قوباد تاڵهبانی، جێگرانی سكرتێری گشتیی یهكێتی نیشتمانی كوردستان لهگهڵ سهرۆكی پهرلهمانی عیراق كۆبونهوه.
ئێوارەی ئەمڕۆ سێشەممە 19ی ئازاری 2019، لە شاری سلێمانی، كۆسرەت ڕەسول عەلی جێگری سكرتێری گشتی یەكێتی نیشتمانی كوردستان بە ئامادەبوونی د. بەرهەم ساڵح سەرۆك كۆماری عیراق و جێگری دووەمی سكرتێری گشتی پێشوازیی لە محەمەد حەلبوسی، سەرۆكی پەرلەمانی عیراق و ژمارەیەك لە پەرلەمانتارانی عیراق كرد.
لە دیدارەكەدا كە ژمارەیەك لە ئهندامانی مەكتەبی سیاسی و سەركردایەتی ئامادەی بوون، گفتوگۆكرا لەبارەی دۆخی عیراق و ڕۆڵی هێزو لایەنە سیاسییەكان لە سەقامگیری زیاتر لەعیراق و هەماهەنگی نێوان دامەزراوە دەستوری و سیاسییەكانی عیراق، هەردوولاش هاوڕابوون كە پێویستە پەرلەمانی عیراق ڕۆڵی خۆی بگێڕێ لە دەركردنی یاسای باش و سەردەمی و چاودێریكردنی كارەكانی حكومەت.
لە دیدارەكەدا، گفتوگۆی جدی كرا لەبارەی پەیوەندییەكانی نێوان هەرێم و بەغدا، بۆ ئەم مەبەستە دیدگای یەكێتی بۆ وەفدی میوان خرایەڕوو، كە یەكێتی لەگەڵ شەراكەتی حەقیقیە لەنێوان هەرێم و بەغداو خوازیاری پەیوەندییەكی پتەوی نێوان هەردوولایە.
سەرۆكی پەرلەمانی عیراق و وەفدی یەكێتی نیشتمانی كوردستان تەئكیدیان لە هەماهەنگی و پەیوەندی زیاتری نێوان لایەنە سیاسییەكان كردەوە، بە ئامانجی هەماهەنگی زیاترو دروستبوونی لێكتێگەیشتنی هاوبەش بۆ پرسە نیشتمانییەكان.
PM:10:00:19/03/2019
ئهم بابهته 2576
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت