به‌ڕێوه‌به‌رایه‌تیی ئاوی سلێمانی هاوڵاتیان ئاگادار ده‌كاته‌وه
وێستگه نیوزـ
به‌ڕێوه‌به‌ری به‌ڕێوه‌به‌رایه‌تی ئاوی سلێمانی داوا له‌هاوڵاتیان ده‌كات له‌كاتی گه‌شت و سه‌یراندا پاشه‌ڕۆ فڕێنه‌ده‌نه ئاوی دوكانه‌وه.
ئه‌ندازیار سه‌ربه‌ست عوسمان، به‌ڕێوه‌به‌ری ئاوی سلێمانی داوا له‌هاوڵاتیانی شاری سلێمانی ده‌كات له‌كاتی گه‌شتكردنیان بۆ سه‌یرانگه‌ی دوكان پاشه‌ڕۆ و ده‌به‌ی ئاو نه‌كه‌نه ده‌ریاچه‌كه‌وه چونكه ده‌بێته پیسبونی ئاوه‌كه‌و گرفت بۆ پڕۆژه‌كانی ئاو دروستده‌كات.
به‌ڕێوه‌به‌ری ئاوی سلێمانی ئاشكراشیكردوه: ساڵانه به‌هۆی پاشه‌ڕۆوه ناچار ده‌بین چه‌ند جارێك وه‌رگری ئاوی دوكان سلێمانی پاك بكه‌ینه‌وه به‌وه‌ش ده‌بێته دواكه‌وتنی دابه‌شكردنی ئاو به‌سه‌ر هاوڵاتیاندا له‌وه‌رزی گه‌رمادا.
PM:06:13:15/03/2019
ئه‌م بابه‌ته 5072
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت