كۆنگره‌ی برۆكسل.. حه‌وت ملیار دۆلار بۆ هاوكاری ئاواره‌كانی سوریا ته‌رخانكرا



وێستگه‌نیوز
-

وڵاتانی به‌شدار له‌ كۆنگره‌ی به‌خشه‌ران له‌ برۆكسل توانیان بری 7 ملیار دۆلار كۆبكه‌نه‌وه‌ بۆ هاوكاری كردنی ئاوه‌ره‌كانی سوریا.

رۆژی پێنج شه‌ممه‌ 14ی ئازاری ، 2019خریستۆس ستیلیاندیس، كۆمسیاری یه‌كێتی ئه‌وروپا بۆ هاوكاری مرۆیی و چاره‌سه‌ركردنی قه‌یرانه‌كان رایگه‌یاند "كۆی هاوكارییه‌كانی وڵاتانی به‌خشه‌ر بۆ ئاوارەکانی سوریا گه‌شته‌ 7 ملیار دۆلار".

ستیلیاندیس ئه‌وه‌شی خسته‌ روو "سێ یه‌كی ئه‌و پاره‌یه‌ له‌لایه‌ن وڵاتنانی یه‌كێتی ئه‌وروپاوه‌ دابینكراوه و ئه‌و پاره‌یه‌ ته‌خرنكراوه‌ بۆ رزگاركردنی ژیانی خه‌ڵكی سوریا و هاوكاریكردنی ئه‌و سوریانه‌ی ئاواره‌ی وڵاتانی دراوسێ بوون".

به‌خشینی ئه‌و بره‌ پاره‌یه‌ پێشبینینه‌كراو بوو كه‌ له‌لایه‌ن وڵاتانی به‌شدار له‌ كۆنگره‌ی برۆكسل دابینكرا، له‌به‌ر ئه‌وه‌ی رێكخه‌رانی كۆنگره‌ چاوه‌روانی 6 ملیار دۆلار بوون، لەکاتێکدا بەپێی وتەی بەرپرسانی یەکێتی ئەوروپا نپاره‌ی پێویست بۆ دابینكردنی پێداویستیه‌كانی خه‌ڵكی سوریا و ئاواره‌كان بۆ ئه‌مساڵ 8 ملیار دۆلارە".

له‌ ناو وڵاتانی به‌شدابووی كۆنگره‌كه‌ ئه‌ڵمانیا زۆرترین پاره‌ی به‌خشی كه‌ 1.44 ملیار یۆرۆ بووه‌، دوا ئه‌ویش به‌ریتانیا و ئه‌مریكا زۆرترین هاوكاریان به‌خشی به‌ كۆنگره‌ی برۆكسل بۆ هاوكاری كردنی خه‌ڵكس سوریا.

رۆژی پێنجشه‌مه‌ كۆتای هات به‌ سێیه‌مین كۆنگره‌ی نێوده‌وڵه‌تی وڵاتانی به‌خشه‌ری سوریا كه‌ له‌ ژێرناوی "پشتیوانی داهاتووی سوریا و ناوچه‌كه‌"، له‌ كۆنگره‌كه‌دا 85 وڵات و رێكخراوی نێوده‌وڵه‌تی به‌شداربوون، له‌ كاتێكدا نوێنه‌رانی حكومه‌تی سوریا به‌شدری كۆنگره‌كه‌ نه‌بوون

هــ. ب


AM:11:22:15/03/2019


ئه‌م بابه‌ته 264 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت