رانیه.. تەرمی مێردمنداڵێک بە خنكاوی برایە نەخۆشخانە
وێستگه‌نیوز-
پۆلیسی راپه‌ڕین رایدەگەێنێت "مێردمنداڵێکی ته‌مه‌ن 15 ساڵان گیانی له‌ده‌ستدا كه به‌په‌ت خنکاوە".
به‌رێوه‌به‌رایه‌تی پۆلیسی راپه‌ڕین له راگه‌یانراوێكدا كه وێنه‌یه‌كی
ده‌ست وێستگه‌نیوز كه‌وتووه رایگه‌یاند "شەوی ڕابردو پێنج‌شه‌ممه كاتژمێر 11:00
ته‌رمی مێردمنداڵێک به‌ناوی ( ڕ،و،ێ ) ته‌مه‌ن 15 ساڵ و خوێندكاری قۆناغی بنەڕەتی و ڕه‌گه‌زی نێر، دانیشتوی گوندی بۆسکێنی سەر بە شارۆچکەی ڕانیه‌یە گه‌یه‌ندرایه نه‌خۆشخانه‌ی گشتی ڕانیه".
پۆلیسی راپه‌رین ئه‌وه‌شی خسته‌روو "ئه‌و گه‌نجه له ماڵی مامی بووە له گه‌ڕه‌كی ( ڕه‌شه‌مێرگ
)ی ڕانیە به په‌ت خۆی هه‌ڵواسیوه و به‌و هۆیه‌شه‌وه گیانی له‌ده‌ستداوه به وته‌ی
مامی كێشه‌ی له‌گه‌ڵ هیچ كه‌سێكدا نه‌بووه".
پۆلیس وتوشیەتی "پاش توێكاری بۆ تەرمەکەی ئاسه‌واری
برینت پەت به ملیه‌وه هه‌بووه و له ئێستاشدا هۆكاری ڕووداوه‌كه نادیاره، دوای
گرتنه‌به‌ری ڕێوشوێنی یاسایی و ته‌ندروستی، ته‌رمه‌كه‌ی ڕاده‌ستی كه‌سوكاری كراوەتەوە و هەروەها بۆ لێكۆڵینه‌وه لەسەر هۆکاری ڕاستەقینەی ڕوداوەکەش پۆلیسی راپه‌رین مه‌له‌فی لێكۆڵینه‌وەی بۆ ڕووداوه‌كه كردوەتەوە".
هــ. ب
.
AM:10:52:15/03/2019
ئه‌م بابه‌ته 1796
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت