ڕۆحانی: ئارامی عێراق گرەنتی ئارامی ناوچەكەیە
وێستگەنیوز-
سەرۆک کۆماری ئێران ڕایدەگەێنێت
"وڵاتەکەی دەیەوێت پەیوەندییە ئابورییەکانی لەگەڵ عیراق بەهێزتر بکات".
ئەمڕۆ دوشەممە حەسەن ڕۆحانی سەرۆك كۆماری ئێران سەردانی عیراقی
کرد و لەگەڵ د. بەرهەم ساڵح سەرۆك كۆماری
عێراق کۆبوەوە.
حەسەن ڕۆحانی لەمیانی كۆنگرەیەكی رۆژنامەوانیدا لەگەڵ هاوتا
عیراقییەکەی لە كۆشكی سەلام ڕایگەیاند "هیچ دژایەتییەكمان لەگفتوگۆكانماندا
لەگەڵ سەرۆك كۆماری عێراق نەبینیوە و ئەم دو وڵاتە پەیوەندییەكی هەزاران ساڵە هەیە لەنێوانیان و هەروەها هەوڵیش دەدەین پەیوەندی ئابوری نیوانمان
باشتر بێت بەتایبەتی لەپرۆژەی بانكی و نەوت و غاز و خزمەتگوزاری كارەبا و رێگاوبان
و سنوورەكان و كشتوكاڵی و وەبەرهینان".
ڕۆحانی ئاماژەی بەوەدا "عێراق
وڵاتێكی گرنگە بۆ ئێمە و دەخوازین لەگەڵ عێراق پێکەوە بین و بونمان پێکەوە لەدژی
هیچ لایەكیش نەبێت، بەڵكو بۆ بەرژەوەندی ناوچەكە بێت".
سەرۆک کۆماری ئێران وتیشی " بۆ
ئێمە گرنگە عێراق وڵاتیكی ئارام بێت، چونکە ئارامی عێراق گرەنتی ئارامی ناوچەكەیە".
شاندی ئێران ئەمڕۆ دوو شەممە سەردانی بەغدای كرد و بڕیارە جگە
لەكۆبوونەوە لەگەڵ سەرۆك كۆماری عێراق، لەگەڵ هەریەکە لە د.عادل
عەبدولمەهدی سەرۆك وەزیران و محەممەد حەلبوسی سەرۆكی پەرلەمان كۆبوونەوە ئەنجام بدەن.
هــ. ب
PM:04:40:11/03/2019
ئهم بابهته 1400
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت