ساڵی داهاتوو كۆچی نایاسایی بۆ ئه‌ڵمانیا راده‌گیرێت

‌کۆچی پەنابەرانی نایاسایی رادەگیرێت

وێستگه‌ نیوز ـ
ده‌زگای‌ لوتكه‌ بۆ كاروباری‌ ئاواره‌و په‌نابه‌ران بریارێكی‌ په‌رله‌مانی‌ ئه‌ڵمانیا تایبه‌ت به‌په‌نابه‌ران ئاشكراده‌كات و سه‌رۆكی ده‌زگاكه‌ش ده‌ڵێت: "له‌ساڵی‌ داهاتوه‌وه‌ به‌نایاسایی گه‌یشتن به‌ئه‌ڵمانیا به‌هه‌مووشێوه‌یه‌ك ده‌وه‌ستێنرێت".


ئاری‌ جه‌لال، سه‌رۆكی‌ ده‌زگای‌ لوتكه‌ بۆ كاروباری‌ ئاواره‌و په‌نابه‌ران به وێستگه‌ نیوزی‌ راگه‌یاند: "هه‌وڵه‌كان بۆ باشكردنی‌ گوزه‌رانی‌ په‌نابه‌ران به‌رده‌وامه‌و له‌ئێستاشدا په‌رله‌مانی‌ ئه‌ڵمانیا ژماره‌یه‌ك بڕیاری‌ تایبه‌تی‌ به‌په‌نابه‌ران په‌سه‌ندكردوه‌".

ئاری جه‌لال وتیشی: "له‌وانه‌ش كۆچكردنی قاچاخ له‌ساڵی داهاتوه‌وه‌ به‌هه‌موو شێوه‌یه‌ك بۆ ئه‌ڵمانیا ده‌وه‌ستێنرێت و كۆچكردنی یاسایی ئاسایی رێگه‌ی پێده‌درێت".

راشیگه‌یاند: "یه‌كێكی‌ دیكه‌ له‌و بڕیارانه‌ی‌ له‌ساڵی‌ ئاینده‌وه‌ ده‌خرێته‌ بواری‌ جێبه‌جێكردنه‌وه‌ بریتییه‌ له‌وه‌ی‌، هه‌ركه‌سێك مافی په‌نابه‌رێتیه‌كه‌ی ره‌تكرابێته‌وه‌ یاخود مافی مانه‌وه‌ی كاتی هه‌بێت، ئه‌وا به‌مه‌رجی كاركردن مافی‌ مانه‌وه‌ی پێده‌درێت".

هــ. ر


PM:07:05:22/02/2019


ئه‌م بابه‌ته 11828 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت

زۆرترین خوێندراو