سه‌رۆك وه‌زیرانی عیراق: پشتیوانی له داوا ره‌واكانی مامۆستایان ده‌كه‌ین
عادل عه‌بدولمه‌هدی، سه‌رۆك وه‌زیرانی عیراق
وێستگه نیوزـ
سه‌رۆك وه‌زیرانی عیراق رایگه‌یاند: داواكاریی مامۆستایان ره‌وایه، جه‌ختیشیكرده‌وه كه كار بۆ جیچبه‌جێكردنی داواكارییه‌كانیان ده‌كه‌ن.
له كۆنگره‌ی رۆژنامه‌وانییه هه‌فتانه‌ی خۆیدا، عادل عه‌بدولمه‌هدی، سه‌رۆك وه‌زیرانی عیراق باسی له كێشه و داواكارییه‌كانی مامۆستایانی عیراق كرد و رایگه‌یاند كه داواكاریی مامۆستایان ره‌وایه و كار ده‌كه‌ن بۆ جێبه‌جێكردنی.
له‌ماوه‌ی رابردودا به‌شێك له مامۆستایانی عیراق ناڕه‌زاییان ده‌ربڕی و داوایانكرد گوزه‌رانی مامۆستایان باشتر بكرێت.
سه‌باره‌ت به بونی هێزی سه‌ربازیی بیانی له‌سه‌ر خاكی عیراق، عادل عه‌بدولمه‌هدی جه‌ختیكرده‌وه، سه‌رجه‌م ئه‌و هێزانه‌ی له عیراقدا هه‌ن، عیراقین و هیچ هێزێكی بیانی بنكه‌ی له‌سه‌ر خاكی عیراق نییه.
سه‌رۆك وه‌زیرانی عیراق باسی له دۆخی ناوچه‌كه‌ش كرد و وتی: قه‌یرانی ناوچه‌كه به‌ره‌و چاره‌سه‌ر ده‌ڕوات، چونكه سه‌رجه‌م لایه‌نه‌كان له‌مه‌ودوا نایانه‌وێت بكه‌ونه جه‌نگه‌وه.
PM:09:35:19/02/2019
ئه‌م بابه‌ته 2552
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت