چالاکەوانێکی دیاری ژنانی هەرێم کۆچی دوایی کرد


وێستگه‌ نیوز – چالاكه‌وانێكی‌ دیاری‌ ژنانی‌ هه‌رێمی‌ كوردستان به‌ نه‌خۆشی‌ كۆچی‌ دوایی كرد.

شه‌وی‌ رابردوو نه‌رمین عه‌زیز چالاكه‌وانێكی‌ دیاری‌ ژنانی‌ هه‌رێم و به‌رپرسی لقی سلێمانی رێكخراوی كۆمه‌ڵه‌ی ئافره‌تانی كوردستانی‌ سه‌ر به‌ حزبی‌ شیوعی‌ كوردستان به‌ نه‌خۆشی‌ كۆچی‌ دوایی كرد.

نه‌رمین عه‌زیز ماوه‌ی‌ ساڵێكه‌ تووشی‌ نه‌خۆشی‌ شێرپه‌نجه‌ بووه‌ و خاوه‌نی‌ كچ و كوڕێكه‌.

نه‌رمین عه‌زیز مه‌حمود له‌ ساڵی‌ 1972 له‌دایك بووه‌ و زیاتر له‌ 23ساڵ له‌ بواری كاری سیاسی و ڕاگه‌یاندن و ڕێكخراوه‌یی وه‌ك، داكۆكی كردن له‌ مافه‌كانی ئافره‌تان، سه‌رپه‌رشتی چه‌ندین كه‌مپین و به‌ژداری چه‌نده‌ها وۆركشۆپ له‌بابه‌ته‌كانی جێنده‌ری هه‌مواركردنی یاساكانی باری كه‌سێتی كردووه‌.


AM:11:45:15/02/2019




ئه‌م بابه‌ته 17204 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت