ناحیه‌ی حاجیاوا.. باوك و كوڕێك كوژران

‌باوک و کوڕە کوژراوەکە

وێستگه‌ نیوزـ

به‌ڕێوه‌به‌رایه‌تیی پۆلیسی ئیداره‌ی راپه‌ڕین رایگه‌یاند: لە شارۆچکەی حاجیاوا-ی سەر بە ئیدارەی راپەڕین باوک و کوڕێک کوژران. 

شۆڕش ئیسماعیل، وتەبێژی پۆلیسی راپەڕین رایگەیاند: روداوه‌كه‌ كاتژمێر 6ی ئێوارەی ئەمڕۆ یەکشەممە 20ی كانونی دووه‌می 2019، لە گەڕەکی سەردەمی ناحیه‌ی حاجیاوای سەر بە ئیدارەی راپەڕین رویداوه‌ و تیایدا کوڕ و باوکێک کوژراون.

وتەبێژی پۆلیسی راپەڕین ئاشرایكردوه‌ كه‌: "باوکەکە ناوی (أ .أ)ە و لەدایکبووی سالێ 1983یە، کوڕەکەشی ناوی (پ.أ)ە تەمەنی 3 ساڵە، وتیشی كوڕ و باوكه‌كه‌ له‌ كۆڵانی پشت ماڵی خۆیان ده‌ستڕێژی گولـلـه‌یان لێكراوه‌ و به‌و هۆیه‌شه‌وه‌ ده‌ستبه‌جێ هه‌ردووكیان گیانیان له‌ده‌ستداوه‌.

راشیگه‌یاند: دوای ڕووداوه‌كه‌ ته‌رمه‌كانیان گواسترانه‌وه‌ بۆ پزیشكی دادوه‌ری ڕانیه‌ و هێزه‌كانی پۆلیسیش سه‌رقاڵی لێكۆڵینه‌وه‌ی وردن له‌سه‌ر ڕووداوه‌كه‌ به‌مه‌به‌ستی زانینی هۆكاری ڕاسته‌قینه‌ و دۆزینه‌وه‌ی ئه‌نجامده‌ری تاوانه‌كه‌.


PM:06:57:20/01/2019








ئه‌م بابه‌ته 4872 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت