مەسعود بارزانی و سەڵاحەدین بەهادین کۆبوونەوە
دیمەنێک لە کۆبوونەوەکە
وێستگە نیوز-
مەسعود بارزانی و سەڵاحەدین بەهادین کۆبوونەوەیان ئەنجامدا و جەختیان لە پەلەکردن لە پێکهێنانی حکومەت کردەوە.
میدیاکانی نزیک لە یەکگرتووی ئیسلامیی کوردستان بڵاویانکردەوە ئەمڕۆ یەکشەممە مەسعود بارزانی سەرۆکی پارتی دیموکراتی کوردستان و سەڵاحەدین بەهادین ئەمینداری یەکگرتووی ئیسلامیی کوردستان کۆبوونەوتەوە.
بەگوێرەی هەواڵی مدییاکانی یەکگرتوو لە کۆبوونەوەکەدا هه‌ردوولا گفتوگۆیان له‌بارەی دۆخی سیاسی ناوچه‌كه و گۆرانكاریه‌کان و هاوكێشه عێراقی و ئیقلیمی و نێوده‌وڵه‌تیه‌كان و پێگه‌ی هه‌رێم كردووە .
ئاماژە بەوەشکراوە هەردوو ناوبراو جەختیان کردووەتەوە لە پەلەکردن لە پێکهێنانی کابینەی نۆیەمی حکومەتی هەرێمی کوردستان.
ئەوە لە کاتێکدایە گفتوگۆکانی پێکهێنانی حکومەتی نوێ بەردەوامن و یەکگرتووی ئیسلامیی کوردستان بڕیاریداوە وەکو ئۆپۆزسیۆن لە پەرلەماندا درێژە بە کاری سیاسی بدات و بەشداریی حکومەت نەکات.
PM:04:50:20/01/2019
ئه‌م بابه‌ته 2420
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت