سه‌رۆكایه‌تیی كۆماری عیراق وته‌بێژێكی بۆ هەرێمی کوردستان دیاریكرد
حەسەن جیهاد، وتەبێژی سەرۆکەیاتیی کۆماری عیراق بۆ هەرێمی کوردستان
وێستگه نیوزـ
سه‌رۆكایه‌تیی كۆماری عیراق وته‌بێژێكی بۆ هه‌رێمی كوردستان دیاریكرد و له‌پاڵ لوقمان فه‌یلی كه وته‌بێژی سه‌رجه‌م عیراقه، حه‌سه‌ن جیهاد-ی وه‌ك وته‌بێژی سه‌رۆكایه‌تی بۆ هه‌رێمی كوردستان دیاریكرد.
حه‌سه‌ن جیهاد پێشتر ئه‌ندامی هاوپه‌یمانی بۆ دیموكراسی و دادپه‌روه‌ری بوو كه به‌رهه‌م ساڵح، پێش وه‌رگرتنی پۆستی سه‌رۆكایه‌تیی كۆمار سه‌رۆكایه‌تیی ده‌كرد، دوای ده‌ستله‌كاركێشانه‌وه‌ی به‌رهه‌م ساڵح له هاوپه‌یمانی و گرتنه‌ده‌ستی سه‌رۆكایه‌تیی كۆماری عیراق، ناوبراویش ده‌ستی له‌و هاوپه‌یمانییه كێشایه‌وه به‌ڵام تائێستا ده‌ستله‌كاركێشانه‌وه‌كه‌ی په‌سه‌ند نه‌كراوه.
له لێدوانێكی تایبه‌تدا بۆ وێستگه نیوز، حه‌سه‌ن جیهاد رایگه‌یاند: سه‌رۆكایه‌تیی كۆماری عیراق به‌پێویستی زانی بۆ ئاگاداربوونی میدیاكانی هه‌رێمی كوردستان له چالاكییه‌كانی سه‌رۆكایه‌تیی كۆمار وته‌بێژێكی بۆ كوردستان هه‌بێت.
وتیشی: مه‌رج نییه وته‌بێژی سه‌رۆكایه‌تیی كۆمار بۆ هه‌رێمی كوردستان ته‌نها لێدوان و رونكردنه‌وه له‌سه‌ر پرسه كوردستانییه‌كان بدات، به‌ڵكو ده‌توانێت له‌سه‌ر كۆی پرسه‌كان بۆ میدیاكانی هه‌رێم لێدوان بدات.
PM:10:00:17/01/2019
ئه‌م بابه‌ته 15844
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت