نێچیرڤان بارزانی: ئهڵمانیا له چاكسازییهكانی وهزارهتی پێشمهرگهدا پشتیوان بووه
نێچیرڤان بارزانی و هایکۆ ماس
وێستگه نیوزـ
دوای سهردانهكهی بۆ ههرێمی كوردستان، وهزیری دهرهوهی ئهڵمانیا لهگهڵ سهرۆكی حكومهتی ههرێم كۆبوهوه و دواتر كۆنگرهیهكی رۆژنامهوانیی هاوبهشیان سازكرد.
له كۆنگرهكهدا، نێچیرڤان بارزانی، سهرۆكی حكومهتی ههرێمی كوردستان رایگهیاند كه سهردانی وهزیری دهرهوهی ئهڵمانیا بۆ ههرێم گرنگیی خۆی ههیه و ئهڵمانیاش پشتیوان بووه له چاكسازییهكانی وهزارهتی پێشمهرگهدا.
وتیشی: ئەڵمانیا پشتیوانمان بووە لە شەری داعش و پشتیوانیشی لە کوردانی ئێزدی کردوە، لهگهڵ وهزیری دهرهوهی ئهڵمانیاش دۆخی عیراق و ههرێمی كوردستانمان تاوتوێ كرد و له سهرجهم بوارهكاندا پهیوهندییهكانمان پهرهپێ دهدهین.
ههرله كۆنگره رۆژنامهوانییهكهدا، هایكۆ ماس، وهزیری دهرهوهی ئهڵمانیا راگهیاند كه ههڵبژاردنهكانی ههرێمی كوردستان دیموكراسی و گرنگن و جهختیكردهوه كه دهستپێشخهر دهبن بۆ سهقامیگركردنی دۆخی ناوچهكه، راشیگهیاند كه كێشهكان به کاری هاوبەش چارهسهر دهبن.
وەزیری دەرەوەی ئەڵمانیا ئاماژەی بە پرسی ئاوارەکان کرد و رایگەیاند، گەڕاندنەوەی ئاوارەکان پێویستی بە سەقامگیری هەیە، بۆ ئەو پرسەش ئەڵمانیا هاوکار و پشتیوان دەبێت.
PM:06:45:18/12/2018
ئهم بابهته 636
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت