به‌ڤیدیۆ..باڵیۆزی ئێران له‌كاتی وه‌ستان بۆ رێزلێنان له شه‌هیدانی عیراق شوێنه‌كه‌ی جێهێشت
ئیرەج مەسجدی لەکاتی جێهێشتنی شوێنەکەی
وێستگه نیوزـ
باڵیۆزی ئێران له بەغدا به‌شداریی له مه‌راسیمێكی تایبه‌ت به رۆژی سه‌ركه‌وتن به‌سه‌ر رێكخراوی داعشدا كرد، به‌ڵام له‌وکاتەی داواکرا ئامادەبوان ساتێک بەبێدەنگی بۆ گیانی شەهیدانی عیراق راوەستن، باڵێوز شوێنه‌كه‌ی جێهێشت.
مه‌راسیمه‌كه له‌لایه‌ن هاوپه‌یمانیی بنیادنان سازكرابوو كه له ئیئتلافه‌كانی فه‌تح به سه‌رۆكایه‌تیی هادی عامری و ده‌وڵه‌تی یاسا به سه‌رۆكایه‌تیی نوری مالیكی و نه‌سر، به سه‌رۆكایه‌تیی حه‌یده‌ر عه‌بادی پێكهاتووه.
له مه‌راسیمه‌كه‌دا د.به‌رهه‌م ساڵح سه‌رۆك كۆماری عیراق و ئیره‌ج مه‌سجدی، باڵیۆزی ئێران له عیراق و چه‌ند سیاسه‌تمه‌تدارێكی دیكه‌ی عیراق به‌شداربن و پێكه‌شكاره‌كه داوا له ئاماده‌بوان ده‌كات بۆ رێزلێنان له گیانی شه‌هیدانی عیراق به‌پێوه راوه‌ستن.
دوای داواكاریی پێشكه‌شكاره‌كه و هه‌ستانی سه‌رۆك كۆمار و سه‌رجه‌م ئاماده‌بوان، كه‌چی ئیره‌ج مه‌سجدی شوێنه‌كه به‌جێده‌هێڵێت.
PM:04:46:15/12/2018
ئه‌م بابه‌ته 10820
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت