ئەم هەفتەیە مووچەی ئەم شوێنانە دابەش دەکرێت

وێستگه‌ نیوز ـ هه‌ستیار
وه‌زاره‌تی دارایی و ئابووری حكومه‌تی هه‌رێمی كوردستان به‌رده‌وامه‌ له‌ دابه‌شكردنی مووچه‌ی مانگی ئه‌یلول و ئەمڕۆ چوارشه‌ممه‌ 12ی‌ كانوونی یه‌كه‌می 2018، مووچه‌ی‌ مانگی‌ ئه‌یلولی‌ دوو وەزارەت دابەش دەکرێت.

سه‌رچاوه‌یه‌كی‌ ئاگادار له‌ وه‌زاره‌تی دارایی و ئابووری حكومه‌تی هه‌رێم به‌ وێستگه‌ نیوزی راگه‌یاند: "ئه‌مڕۆ چوارشه‌ممه‌ 12ی كانوونی یه‌كه‌می 2018، مووچەی  وەزارەتی سامانە سرووشتییەکان و وەزارەتی خوێندنی باڵا و توێژینەوەی زانستی دابەشدەکرێت.

ئەوەشی ئاشکراکرد، رۆژی پێنجشەممە 13ی كانوونی یه‌كه‌می 2018، مووچەی  وەزارەتی داد و ئەنجومەنی دادوەری ھەرێم دابەشدەکرێت.

پێشتریش مووچه‌ی وه‌زاره‌ته‌كانی پێشمه‌رگه‌، په‌روه‌رده‌و ته‌ندروستی دابه‌شكراوه‌ و وەزارەتی کاروباری شەهیدان و ئەنفالکراو و زیندانیانی سیاسی و وەزارەتی دارایی دابەشکراوە.

AM:08:56:12/12/2018

ئه‌م بابه‌ته 18280 جار خوێنراوه‌ته‌وه‌‌

لێرەوە کۆمێنت بنوسە لە فەیسبوک دەردەکەوێت