كۆسرهت رهسوڵ: كابینهی ئهمجارهی حكومهتی ههرێم كابینهیهكی خزمهتگوزار بێ
كۆسرهت رهسول
وێستگه نیوز –
جێگری سكرتێری گشتی یهكێتی نیشتمانی كوردستان رایگهیاند كه گرنگه كابینهی ئهمجارهی حكومهتی ههرێم كابینهیهكی خزمهتگوزار بێ و ههوڵی جددی بدا بۆ چارهسهری ڕیشهیی و بنهڕهتی كێشهو قهیرانهكان بهتایبهت مهسهلهی كۆتایهێنان به پاشهكهوتكردنی موچهی فهرمانبهران.
بهگوێرهی راگهیهندراوێكی نووسینگهكهی، پاش نیوهڕۆی ئهمڕۆ دووشهممه 10ی كانوونی یهكهمی 2018 كۆسرهت ڕهسول عهلی جێگری سكرتێری گشتی یهكێتی نیشتمانی كوردستان له شاری سلێمانی پێشوازیكرد له مارتن وار كونسوڵی گشتی بهریتانیا له ههرێمی كوردستان و نیك ئۆڵتن گهوره راوێژكار له باڵوێزخانهی شانشینی بهریتانیا له عیراق.
له دیدارێكدا كه ههریهك له عومهر فهتاح و حاكم قادر حهمهجان كارگێڕانی مهكتهبی سیاسی و لاهور تاڵهبانی و بافڵ تاڵهبانی ئامادهی بوون، دوایین گۆڕانكارییهكانی رهوشی عیراق و كوردستان و ههنگاوهكانی پێكهێنانی حكومهتی نوێی عیراق و ههرێمی كوردستان تاووتوێ كرا.
پهیوهست به بارودۆخی عیراق و پرسی تهواوكردنی كابینهی نوێی حكومهت، جهخت لهوه كرایهوه كه "یهكێتی به ئیستحقاقی خۆی دهزانێ لهم كابینه نوێیه پشكی ههبێ و بهشدارێكی كارابێ له پڕۆسهكه".
ههروهك جهخت لهوه كرایهوه كه "پهیوهندی نێوان نێوان لایهنه سیاسییه عیراقی و كوردستانییهكان ئاسایی بكرێتهوه و ههموو ههوڵهكان به ئاراستهی چارهسهركردنی كێشهو قهیرانهكان بێ".
پرسی پێكهێنانی حكومهتی نوێی ههرێمی كوردستان و گفتوگۆی نێوان هێزه سیاسییهكان تهوهرێكی تری گفتوگۆكان بوو، لهمڕووهوه ههردوولا كۆك بوون لهسهر ئهوهی "پێویسته لهنزیكترین كاتدا ههنگاوه كردهییهكانی پێكهێنانی حكومهت دهست پێبكا".
كۆسرهت ڕهسول عهلی به وهفدی میوانی ڕاگهیاند كه "بهلای یهكێتییهوه گرنگه كابینهی ئهمجارهی حكومهت كابینهیهكی خزمهتگوزار بێ و ههوڵی جدی بدا بۆ چارهسهری ڕیشهیی و بنهڕهتی كێشهو قهیرانهكان بهتایبهت مهسهله ی كۆتایهێنان به پاشهكهوتكردنی موچهی فهرمانبهران و بژێوی ژیانی هاوڵاتیان و بوژاندنهوهی بازاڕ و پرسی پێشكهشكردنی باشترین خزمهتگوزاری به هاووڵاتیان و رهخساندنی دهرفهتی گونجاوی كاركردن بۆ هاووڵاتیان بهبێ جیاوازی".
PM:06:38:10/12/2018
ئهم بابهته 3416
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت