یەکگرتوو: کۆمەڵ دەیەوێت بەشداربێت لە حکومەتدا بۆیە مامەڵە دەکات


وێستگە نیوز-

سەرۆکی ئەنجومەنی سەرکردایەتی یەکگرتوو رایگەیاند ئەوان یەکەم لایەن بوون بڕیاری بوون بە ئۆپۆزسیۆنیان دا و مامەڵە لەگەڵ دەسەڵات ناکەن، ئاماژەی بەوەشکرد کۆمەڵی ئیسلامیی دەیەوێت بەشداربێت لە کابینەی نۆیەمدا بۆیە مامەڵە دەکات و چاوەڕێیە بزانێ چی بەردەکەوێت.

خەلیل ئیبراهیم سەرۆکی ئەنجومەنی سەرکردایەتی یەکگرتووی ئیسلامیی کوردستان بە میدیاکانی نزیک لە حزبەکەی ڕاگەیاندووە "لەو کاتەوەی بارەگاکانمان سوتێنران لەبەر ئۆپۆزسیۆن بوونمان قوربانیماندا و چه‌ندین برای باش و دڵسۆزمان شه‌هیدكران كه‌ ده‌بوو له‌بری ئه‌وه‌ی گوله‌یان پێوه‌بنرێت گوڵبارانیان بكردنایه‌، چونكه‌ ئه‌وان خه‌می خه‌ڵك و خزمه‌تی هاوڵاتیان له‌ناخیاندا بوو".

لەبارەی بڕیاری بوون بە ئۆپۆزسیۆنەوە لە کابینەی نۆیەمی حکومەتدا سەرۆکی ئەنجومەنی سەرکردایەتی یەکگرتوو وتویەتی "ئه‌مجاره‌ش یه‌كه‌مین كه‌س بووین بریاری ئۆپۆزیسیۆن بوونمان داوه‌ و نه‌چووینه‌ته‌ مامه‌ڵه‌ كردن له‌گه‌ڵ لایه‌نی ده‌سه‌لات بۆ پۆست و پله‌".

ناوبراو زیاتر ڕونیکردووەتەوە و بۆچوونی خۆی لەبارەی هەڵوێستی کۆمەڵی ئیسلامیی خستوەتەڕوو کە لە چەندین قۆناغی جیاوازدا هاوهەڵوێست بوون "برایانی كۆمه‌ڵ پێیان باشه‌ و حه‌ز ده‌كه‌ن به‌شداری حكومه‌ت بكه‌ن هه‌ربۆیه‌ كه‌وتوونه‌ته‌ مامه‌ڵه‌ كردن له‌گه‌ڵ ده‌سه‌ڵات تاكو بزانن چیان پێ ده‌ده‌ن له‌ حكومه‌ت".


PM:06:03:06/12/2018


ئه‌م بابه‌ته 1344 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت