سێ سه‌رۆكایه‌تییه‌كه‌ی عیراق كۆبونه‌وه‌

‌کۆبونەوەی سێ سەرۆکایەتیەکەی عیراق

وێستگه‌ نیوزـ

له‌ كۆبونه‌وه‌یه‌كدا هه‌رسێ سه‌رۆكایه‌تییه‌كه‌ی عیراق بارودۆخی سیاسی و ئابوری و ئەمنی و یاساییەکانیان تاوتوێكرد و سه‌رۆك كۆماری عیراقیش به‌پێویستی زانی هه‌وڵه‌كان بۆ كاركردنی هاوبه‌ش له‌نێوان لایه‌نه‌ سیاسییه‌كان یه‌كبخرێن.

ئێوارەی ئەمڕۆ چوارشەممە 5ی كانونی یه‌كه‌می 2018، بە ئامادەبوونی د.بەرهەم ساڵح،سەرۆک کۆماری عیراق و د.عادل عەبدولمەهدی، سەرۆک وەزیران و محەمەد حەلبوسی، سه‌رۆكی په‌رله‌مان، کۆبوونەوەی هەر سێ سەرۆکایەتییەکەی عیراق لە کۆشکی سەلام بەڕێوەچوو. 

‏‎لە کۆبونەوەکەدا بارودۆخی سیاسی و  ئابوری و ئەمنی و یاسایی تاوتوێکران بە تایبەتی بابەتی تەواوکردنی پێکهێنانی حکومەت لە چوارچێوەی رێوشوێنە دەستوری و یاساییەکاندا.

‏‎لە کۆبونەوەکەدا د.به‌رهه‌م ساڵح، سەرۆک کۆمار پێویستی یەکخستنی هەوڵەکان و پتەوکردنی گیانی کارکردنی هاوبەشی لە نێوان هەموو لایەنەکان دووپاتکردەوە و به‌گرنگی زانی گرژی و ئاڵۆزییە سیاسییەکان تێپه‌ڕێندرێ هێزه‌ سیاسییه‌كانیش خۆیان له‌ لە زمانی زبری راگەیاندن بەدورگرتن.

سه‌رۆك كۆماری عیراق رونیکردەوە هەرجیاوازییەک لە ئارادا بێت، دەبێت لە چوارچێوەی دامەزراوە دەستورییەکاندا و رێوشوێنە دیموکراسییەکاندا گفتوگۆی لەبارەوە بکرێت، ئه‌وه‌ش لەپێناو پارێزگاری کردن لە یەکڕیزی نیشتمانی و دەستکەوتە دیموکراسییەکان بۆ خزمەتی عیراق و گەلەکەی. 


PM:10:03:05/12/2018


ئه‌م بابه‌ته 1464 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت