رێکخراوێک: منداڵێكی تهمهن شهش ساڵانی مهابادی له لایهن دایكیهوه جهستهی سوتێنراوه و ئازار دراوە
منداڵەکە زڕباوکی هەیە.. بەڵام وتویەتی دایکم ئازاری داوم
وێستگه نیوز ـ
منداڵێکی تەمەن شهش ساڵی دانیشتووی مەهاباد لەلایەن دایکیەوە ئەشکەنجە و ئازار دراوە و بە دڕندانەترین شێوە جەستەی سووتێندراوە.
بەپێی هەواڵی رێکخراوی مافی مرۆڤی هەنگاو، ئهمڕۆ سێشەمم 20ی تشرینی دووهمی 2018، "کچێکی تەمەن شەش ساڵ بە ناوی نازەنین کە جەستەی شین بووەتەوە و بە جگەرە و کەرەستەی ئاسنی جەستەی بەتایبەت دەست و سکی داخ کراوە و هەروەها رانێکی شکاوە گەیهنەدراوەتە نەخۆشخانەی خومەینی شاری مەهاباد".
ههروهك هاتووه: "ئەو کچە تەمەن شهش ساڵە کە خەڵکی شارێکی دیکەیە و دانیشتووی مەهابادن، بە هۆی دۆخی نالەباری جەستەیی و دەروونییەوە هەموو جۆرە چاوپێکەوتنێکی لەگەڵدا قەدەغە کراوە".
بە وتەی شایەتحاڵان نازەنین زڕ باوکی هەیە، بەڵام خۆی وتوویەتی کە دایکم ئەشکەنجە و ئازاری داوم.
مێهران یوسفی، سەرۆکی ئیدارەی بێهزیستی شاری مەهابادیش وێڕای پشتڕاستکردنەوەی ئەو هەوڵە رایگەیاندووە کە دژ بە تۆمەتبار سکاڵا تۆمار کراوە.
هــ. ر
PM:11:55:20/11/2018
ئهم بابهته 9212
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت