پێشكه‌شكارێكی نوێ له ئێن ئاڕ تی ده‌ركه‌وت
وێستگه نیوز –
له كه‌ناڵی ئێن ئاڕ تی پێشكه‌شكارێكی نوێ به‌ناوی باخان حسێن ئه‌حمه‌د ده‌ركه‌وت كه له‌مه‌ودوا هه‌واڵه‌كانی وه‌رزش ده‌خوێنێته‌وه.
به‌گوێره‌ی دیجیتاڵ میدیای ئێن ئاڕ تی، باخان ته‌مه‌نی 24 ساڵه و 17ی ئه‌م مانگه بۆ یه‌كه‌م جار له‌شاشه‌ی ئێن ئاڕ تییه‌وه به‌شێوه‌یه‌كی راسته‌وخۆ ده‌ركه‌وت.
باخان خۆی وه‌رزشكار نییه، به‌ڵام سه‌یركه‌ری تۆپی پێیه و هاواداری رۆناڵدۆی پورتوگالیه.
به‌شی وه‌رزشی كه‌ناڵی ئێن ئاڕ تی رۆژانه له كاتژمێر 9:30 خوله‌كی به‌یانیان و 2:30 خوله‌كی نیوه‌ڕۆ و 4:30 خوله‌كی ئێواران و 10:30 خوله‌كی شه‌و نه‌شره‌ی هه‌واڵی هه‌یه و رۆژانی هه‌ینی و دوو شه‌مانیش كاتژمێر 3:05 خوله‌كی نیوه‌ڕۆ روماڵی تایبه‌تی هه‌یه له‌سه‌ر روداوه گرنگه‌كانی هه‌فته له ناوخۆ و جیهانیدا.
له وه‌رزی نوێدا باخان حسێن و سامان عارف وه‌ك دوو پێشكه‌شكاری وه‌رزشی له‌كه‌ناڵی ئێن ئاڕ تی كارده‌كه‌ن.
PM:02:27:20/11/2018
ئه‌م بابه‌ته 19460
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت