کۆبونەوەی پارتی و یەکێتی لە سلێمانی دەستی پێکرد

وێستگە نیوز-

کۆبونەوەی پارتی و یەکێتی لە مەکتەبی سیاسی یەکێتی لە سلێمانی دەستیپێکرد و پرسی پێکهێنانی کابینەی نۆیەمی حکومەت تاوتوێ دەکەن.

پێشنیوەڕۆی ئەمڕۆ شاندی پارتی دیموکراتی کوردستان گەیشتنە بارەگای مەکتەب سیاسی یەکێتی نیشتیمانیی کوردستان و دەستیان بە کۆبونەوەکرد بۆ تاوتوێکردنی پرسی پێکهێنانی کابینەی نۆیەمی حکومەت.

ئامادەبوانی کۆبونەوەکە لە کەسە یەکەمەکانی هەردوو حزب نین و شاندەکان لە ئاستێکی ناوەندیدان.

وێستگە نیوزی زانیویەتی لە کۆبونەوەکەدا یەکێتی داوای هەردوو پۆستی جێگری سەرۆکی حکومەت و سەرۆکی پەرلەمان دەکات.

دوای کۆبونەوەکە شاندەکەی پارتی نانی نیوەڕۆ لای یەکێتی دەخۆن و پاشان بەرەو گردی زەرگەتە بەڕێدەکەون کە بارەگای سەرەکی بزوتنەوەی گۆڕانی لێیە و لەگەڵ ئەوانیش هەمان پرس تاوتوێ دەکەن.

AM:10:49:17/11/2018

ئه‌م بابه‌ته 2380 جار خوێنراوه‌ته‌وه‌‌

لێرەوە کۆمێنت بنوسە لە فەیسبوک دەردەکەوێت