دوو به‌رپرسی ئێران له رووداوێكی هاتوچۆدا گیانیان له ده‌ستدا
ئەو ئۆتۆمبێلەی دوو بەرپرسەکەی تیادا بووە
وێستگه نیوز ـ
لە باكووری ئێران بەهۆی رووداوێكی هاتوچۆوە، دوو بەرپرسی باڵای حكومی ئه‌و وڵاته گیانیان لەدەستداوە.
میدیاكانی ئێران بڵاویان كرده‌وه، ئەو برپرسانە هەریەك لە تەقی نوربەخش بەڕێوەبەری چاودێری كۆمەڵایەتی و عەبدولرەحمان تاجەدینی جێگری بوون، بەهۆی رووداوەكەوە هەردووكیان گیانیان لەدەستداوە.
پۆلیسی ئێران رایگه‌یاندووه، ئێران لەگەڵ عیراق و چاد و لیبیا و ئەریتریا بەیەكێك لەو وڵاتانە دادەنرێن كە زۆرترین رووداوەكانی هاتوچۆ تێیاندا روو دەدات و قوربانییان زۆر بەدواوە دێت.
هاوكات لە ماوەی 10 ساڵی رابردوودا لە ئێران بەهۆی رووداوی هاتوچۆوە 277 هەزار هاوڵاتی گیانیان لەدەستداوە و قوربانییەكان ساڵانە لەزیاد بووندان.
ئۆتۆمبێلی ئەو دوو بەرپرسە لەگەڵ یەكێكی دیكەی بارهەڵگردا بەیەكیاندا داوە، دوای ئەوەی لەپارێزگای كولستان وەفدە حكومییەكە بەسەردانێك لەوێ گەڕاونەتەوە و هەردوو ئۆتۆمبێلەكەیان وەرگەڕاوە.
هــ. ر
AM:08:54:16/11/2018
ئه‌م بابه‌ته 4268
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت