دادگای ئەوروپا لەبارەی پەکەکەوە بڕیاریدا
ئەرشیف.. چەند گەریلایەکی پەکەکە
وێستگە نیوز-
دادگای یەکێتی ئەوروپا لە کۆبونەوەیەکی تایبەت بەو پارتانەی کە لە
لیستی تیرۆردان بڕیاریدا پەکەکە لە لیستەکەدا بمێنێتەوە و ڕاشیگەیاند ماوەی سێ ساڵ زوڵم لەو حزبە کراوە.
ئەمڕۆ پێنجشەممە دادگای باڵای ئەوروپا لە کۆبونەوەی خۆیدا تاوتوێی
پرسی لیستی تیرۆری کرد و دادوەران پێیان وابو پارتی کرێکارانی کوردستان لە ساڵانی
٢٠١٤ تا ٢٠١٧ کە لە لیستی تیرۆردا بووە بڕیارێکی نادادپەروەرانە بووە و زوڵمی
لێکراوە.
دادگای ئەوروپا لە بەلاغی کۆبونەوەکەیدا ئاماژەی بەوەکردووە "رێکارە
یاساییە نوێیەکانی ئەنجوومەنی ئەوروپا ئەوە دەخوازێ پەکەکە لەناو ئەو لیستەدا
بمێنێتەوە و ئەكاونته‌كانی بانكی و سه‌رمایه‌كه‌شی به‌سڕكراوی ده‌مێنێتەوە".
پەکەکە لەلایەن ئەوروپیەکانەوە بەوە تۆمەتبار کراوە کە بە زەبری چەک
دەیەوێت دەوڵەت دروستبکات و بەو هۆیەشەوە توندوتیژی دێتە ئاراوە.
پەکەکە زیاتر لە ٤٠ سالە وەکو پارتێکی سیاسی چەکداری کار دەکات و
ئامانجی بەدیهێنانی مافە مەدەنی و سیاسیەکانی گەلی کوردە لە باکور و سەرتاسەری
کوردستان.
PM:06:40:15/11/2018
ئه‌م بابه‌ته 5456
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت