خشتەی دابه‌شكردنی مووچەی تەواوی وەزارەتەكان رادەگەیەنرێت
دابەشکردنی مووچە بەردەوامە
وێستگه نیوز ـ هه‌ستیار
خشتەی دابەشكردنی مووچە بەردەوام دەبێت و ئه‌مڕۆ پێنجشه‌ممه مووچەی وەزارەتی ئەوقاف و كاروباری ئاینی دابەش دەكرێت.
سه‌رچاوه‌یه‌كی ئاگادار له وه‌زاره‌تی دارایی و ئابووری حكومه‌تی هه‌رێم به وێستگه نیوزی راگه‌یاند: ئه‌مڕۆ پێنجشه‌ممه 15ی تشرینی دووه‌می 2018، مووچەی مانگی ئابی وەزارەتی ئەوقاف و كاروباری ئاینی دابەشدەكرێت.
راشیگه‌یاند، له‌گه‌ڵ گه‌یشتنی بڕی 317 ملیار دینارەكەی حكومەتی عیراق، رۆژی یەكشەممەی هەفتەی داهاتوو، خشتەی نوێی مووچە بڵاودەكرێتەوە و مووچەی تەواوی وەزارەت و دەستەو سەرۆكایەتییەكان دابەشدەكرێت.
هاوكات به‌پێی زانیارییه‌كانی وێستگه نیوز، دوێنێ چوارشه‌ممه 14ی تشرینی دووه‌می 2018، بڕی 317 ملیار دینارەكەی مووچەی فەرمانبەرانی هەرێم لە بەغداوە گەیشتوه‌تە هەرێمی كوردستان و دەخرێتە سەر ژماره‌ی بانكی وەزارەتی دارایی هەرێم.
AM:10:58:15/11/2018
ئه‌م بابه‌ته 37540
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت