‌سێ‌ سه‌رۆكایه‌تییه‌كه‌ی‌ عیراق: پێویسته‌ كابینه‌ی حكومه‌ت ته‌واو بكرێت

وێستگه‌ نیوز -

سێ سه‌رۆكایه‌تیه‌كه‌ی‌ عیراق رایانگه‌یاند كه‌ پێویسته‌ په‌له‌ بكرێت له‌ یه‌كلایی كردنه‌وه‌ی دۆسیه‌ی وه‌زاره‌ته‌ به‌تاڵه‌كان و كابینه‌ی حكومه‌ت ته‌واو بكرێت.

ئێواره‌ی ئه‌مڕۆ شه‌ممه‌ 2018/11/10 له‌ كۆشكی سه‌لام له به‌غداد هه‌ریه‌ك له‌ دكتۆر به‌رهه‌م ساڵح سه‌رۆك كۆمار و عادل عبدولمه‌ھدی سه‌رۆكی ئه‌نجومه‌نی وه‌زیران و محه‌مه‌د حه‌لبوسی سه‌رۆكی په‌رله‌مان كۆبوونه‌وه‌.

به‌گوێره‌ی‌ راگه‌یه‌ندراوی‌ سه‌رۆكایه‌تی‌ كۆمار، ‏‎له‌ كۆبوونه‌وه‌كه‌دا دیارترین په‌ره‌سه‌ندنه‌كانی گۆڕه‌پانی سیاسی تاووتوێكران و باس له‌و جوڵانه‌‌ كرا كه‌ له‌ پێناو ته‌واوكردنی كابینه‌ی وه‌زاری و پێشكه‌شكردنی ناوه‌كان بۆ ئه‌نجومه‌نی نوێنه‌ران ده‌درێت، به‌ مه‌به‌ستی پێدانی متمانه‌ به‌ كاندیده‌كان و ده‌ست به‌كاربونیان.

‏‎له‌لایه‌كی تره‌وه‌ له‌ كۆبونه‌وه‌كه‌دا ئاماژه‌ درا به‌ پێوستی بوونی گفتوگۆ و بڕیاری یاسای بودجه‌ی‌ گشتی بۆ ساڵی داهاتوو، له‌گه‌ڵ له ‌به‌رچاو گرتنی پارێزگا زیانمه‌نده‌كانی ده‌ستی تیرۆر و گرنگیدان به‌ چینه‌ هه‌ژاره‌كان، ھه‌روه‌ھا هه‌مواری ئه‌و به‌ندانه‌ش بكرێت كه‌ كێشه‌ی دروست كردوه‌ له‌ پرۆژه‌ یاساكه‌دا و گرنگی بدرێت به‌ هه‌ستانه‌وه‌ی ئابووری و واقیعی خزمه‌تگوزاری و گرنگی ته‌واو بدرێت به‌ پرۆژه‌كانی وه‌به‌رهێنان له‌ بوجه‌ی ئێستا و داهاداھاتوودا.

‏‎له‌ لایه‌كی دیكه‌وه‌ كۆبونه‌وه‌كه‌ ئاماژه‌یكرد بۆ گۆانكارییه‌ ئه‌منییه‌كانی وڵات و ئه‌و روداوانه‌ی كه‌ سنوری عیراق سوریا به‌ خۆیه‌وه‌ ده‌بینێت سه‌باره‌ت به‌ جموجۆڵه‌كانی تاقمی داعشی تێرۆریست، له‌و روه‌وه‌ وریایی و چاو كراوه‌یی و پشتیوانیكردنی هه‌موو پێكهاته‌ و ریزه‌كانی هێزه‌ ئه‌منییه‌كان و پاراستنی ده‌ستكه‌وته‌كانی سه‌ركه‌وتنه‌كانیان دووپات كرده‌ووه‌.

‏‎له‌ كۆبونه‌وه‌كه‌دا سه‌رۆك كۆمار دیارتری ئه‌و دۆسییانه‌ی باسكرد كه‌ به‌ نیازه‌ گفتوگۆیان له‌باره‌وه‌ بكات له‌ میانه‌ی سه‌ردانه‌ چاوه‌ڕوانكراوه‌كه‌ی له‌ سه‌ره‌تای ئه‌م هه‌فته‌یه‌یدا بۆ ژماره‌یه‌ك له‌ وڵاتانی ئیقلیمی و دراوسێدا.



PM:11:36:10/11/2018


ئه‌م بابه‌ته 444 جار خوێنراوه‌ته‌وه‌‌




زۆرترین خوێندراو