لە بەسرە خۆپیشاندان بەڕێوەچوو

‌دیمەنێک لە خۆپیشاندانەکەی بەسرە

وێستگە نیوز-

لە بەسرە خۆپیشاندان بەڕێوەچوو و هاوڵاتیانی شارەکە داوای جێبەجێکردنی ئەو بەڵانانە دەکەن کە حکومەت داویەتی و وەک دەربڕینی نارەزایەتیش شەقامی سەرەکی شارەکەیان داخست.

میدیا عێراقیەکان بڵاویانکردەوە ئێوارەی ئەمڕۆ پێنجشەممە؛ بەشێک لە هاوڵاتیانی بەسرە هاتوونەتە سەر شەقامەکان و داواینکردوە ئەو بەڵێنانەی کە لەلایەن حکومەتەوە پێیاندراوە جێبەجێبکرێن.

سەرچاوکان ئاماژە بەوە دەکەن خۆپیشانده‌ران ڕێگه‌ی سه‌ره‌كی نێوان ناحیه‌ی هاریسه‌ و پارێزگای به‌سره‌ له‌ ناوچه‌ی گه‌رمه‌ داخستووه‌ و داوایان له‌ حكوومه‌ت كردوە، به‌زووترین كات ئه‌و به‌ڵێنانه‌ جێبه‌جێ بكات، كه‌ تایبه‌تن به‌ باشكردنی خزمه‌تگوزارییه‌ سه‌ره‌كییه‌كان و ده‌سته‌به‌ركردنی ده‌رفه‌تی كار بۆ سنووری ئه‌و پارێزگایه‌.

پێشتریش لەو شارە خۆپیشاندانی فراوان بەڕێوەچوو و خۆپیشاندەران داوای باشکردنی ئاستی خزمەتگوزاریەکانیان دەکرد، هەرچەندە حکومەتی عێراقی چەندین بەڵێنی بە خۆپیشاندەران دا، بەلام تا ئێستا بەشێکی زۆری بەڵینەکان جێبەجێنەکراون.


PM:06:22:08/11/2018


ئه‌م بابه‌ته 1124 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت