شاسوار عەبدولواحید: لەماوەی پێنج ڕۆژدا نۆ باڵیۆز و کونسڵم بینیوە
شاسوار عەبدولواحید - سەرۆکی جوڵانەوەی نەوەی نوێ
وێستگە نیوز-
شاسوار عەبدولواحید ڕایگەیاند لەماوەی پێنج
ڕۆژدا ٩ باڵیۆز و کونسوڵی بینیوە و باسی ساختەکاری هەڵبژاردنەکانی لەگەڵکردوون.
شاسوار عەبدولواحید سەرۆکی جوڵانەوەی نەوەی نوێ
لە پێگەی خۆی لە تۆڕی کۆمەلاتی فەیسبووک ڕایگەیاند "لە
شارەکانی هەولێر و سلێمانی نۆ دیدارمان ئەنجامدا لەگەڵ نۆ لە باڵوێزان و کونسوڵانی
وڵاتانی بیانی لە هەرێم و لە عێراق".
سەرۆکی جوڵانەوەی نەوەی نوێ ئاماژەی بەوەشکردووە "لەو دیدارانەدا
مەبەستمان بوو پەیامی خۆمان بگەێنین بەتایبەت لەبارەی ساختەکاریەکانی هەڵبژاردنەکان".
ناوبراو ڕونیشیکردوەتەوە لە دیدارەکاندا باسی چوار ساڵی داهاتووی
پرۆسەی سیاسی هەرێم کراوە و ئەگەرەکانی بایکۆتکردن یان بەشداری کردن لە پەرلەمان و
حکومەتدا تاوتوێ کراون.
ئەوە لەکاتێکدایە بەگوێرەی ئەنجامە بەراییەکانی هەڵبژاردنی پەرلەمانی
کوردستان نەوەی نوێ نزیکەی نۆ کورسی پەرلەمانی بەردەکەوێت و پێشتریش سەرۆکی
جوڵانەوەکە ڕایگەیاند ئەگەر ئەنجامەکان بەو جۆرە بمێنەوە بایکۆتی پرۆسەی سیاسی
دەکەن و ئامرازی تر دەگرنە بەر بۆ فشارخستنە سەر حکومەت و دەسەڵات.
PM:11:02:18/10/2018
ئه‌م بابه‌ته 7448
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت