‌قوباد تاڵه‌بانی: عه‌مید نه‌ریمان خزمه‌تێكی باشی به‌ هاتووچۆ كردووه‌
‌جێگری سه‌رۆك وه‌زیرانی هه‌رێمی كوردستان

وێستگه‌ نیوز -

به‌بۆنه‌ی كۆچی دوایی عه‌مید نه‌ریمان عه‌زیز به‌ڕێوبه‌ری پێشوی به‌ڕێوه‌به‌رایه‌تی هاتووچۆی سلێمانی، قوباد تاڵه‌بانی جێگری سه‌رۆك وه‌زیرانی هه‌رێمی كوردستان پرسه‌نامه‌یه‌كی‌ ئاڕاسته‌ی بنه‌ماڵه‌كه‌ی و بزووتنه‌وه‌ی‌ گۆڕان كرد.

ئه‌مڕۆ هه‌ینی‌ 12ی‌ تشرینی‌ یه‌كه‌می‌ 2018 قوباد تاڵه‌بانی جێگری سه‌رۆك وه‌زیرانی هه‌رێمی كوردستان پرسه‌نامه‌یه‌كی‌ ئاڕاسته‌ی‌ بنه‌ماڵه‌ی عه‌مید نه‌ریمان به‌ڕێوبه‌ری پێشوی به‌ڕێوه‌به‌رایه‌تی هاتووچۆی سلێمانی و بزووتنه‌وه‌ی‌ گۆڕان كرد.

له‌ پرسه‌نامه‌كه‌دا قوباد تاڵه‌بانی نووسیویه‌تی‌: "به‌داخ و په‌ژاره‌ی زۆره‌وه‌، هه‌واڵی كۆچی دوایی كاك عه‌مید (نه‌ریمان عه‌زیز) به‌ڕێوبه‌ری پێشووی هاتووچۆی سلێمانیمان بیست، به‌م بۆنه‌ خه‌مناكه‌وه‌، پرسه‌و سه‌ره‌خۆشی خۆمان ئاڕاسته‌ی كه‌سوكارو بنه‌ماڵه‌ وهه‌ڤاڵانی بزوتنه‌وه‌ی گۆڕان ده‌كه‌ین، هاوبه‌شی خه‌م و په‌ژاره‌تانین".

قوباد تاڵه‌بانی ده‌ڵێت: "خوالێخۆشبوو، كاك عه‌مید نه‌ریمان له‌ راپه‌ڕاندی كاره‌كانی خۆی، خزمه‌تێكی باشی به‌ بواری هاتووچۆ كرد له‌ شاری سلێمانی، ئه‌مه‌ش جێگه‌ی پێزانین و به‌رز نرخاندنه‌".

نووسیویشیه‌تی‌: "له‌ په‌روه‌ردگارمان داوایه‌ گیانی كۆچكردوو، به‌ به‌هه‌شتی به‌رین شاد بكات، ئارامی و سه‌بوورییش به‌ هه‌موولایه‌ك ببه‌خشێت، ئومێده‌وارین ئه‌مه‌ دوا ناخۆشیتان بێت".

دوای ململانێیه‌كی زۆر له‌گه‌ڵ نه‌خۆشیه‌كه‌ی به‌ره‌به‌یانی‌ ئه‌مڕۆ عه‌مید نه‌ریمان عه‌زیز به‌ڕێوه‌به‌ری پێشووی هاتوچۆی پارێزگای سلێمانی كۆچی‌ دوایی كرد.


PM:01:21:12/10/2018


ئه‌م بابه‌ته 42444 جار خوێنراوه‌ته‌وه‌‌




زۆرترین خوێندراو