سەرپەرشتیاری گشتی فیدراسیۆنی پەنابەران رایگەیاند، ئەو كۆچبەرانەی رۆژی چوارشەممە یەختەكەیان لە كەناراوەكانی ئیزمیر لە دەریای ئیجە نقومبوو 15 کەسیان کوردن و خەڵکی دهحک و زاخۆن.
ئاری جەلال، به وێستگه نیوزی راگهیاند: تا ئێستا تەرمی زیاتر لە 15 هاوڵاتی خەڵکی دهۆک و زاخۆ لە ناو ئەو کەسانەدان کە خنکاون و گەڕان و پشکنینیش لەلایەن پۆلیسی تورکیاوە بۆ تەرمەکانی دیکە بەردەوامە.
ئەوەشی خستەڕوو: لە كەناراوەكانی شاری ئیزمیری توركیا لەكاتی هەوڵی پەڕینەوەیان بۆ یۆنان، یەختێك كە 35 كۆچبەری تیادابووە، نقومبووە.
وتیشی: "لە بەلەمەكەدا 35 كۆچەر هەبوون، تەنها یەك ژنی خەڵكی زاخۆ رزگاری بووە".
ناوبراو راشیگەیاند: "بەپێی ئەو بەڵگەنامانەی كە دەست ئەوان كەوتووە زۆرینەی ئەو هاوڵاتیانەی لەو رووداوەدا خنكاون خەڵكی سنوری قەزای زاخۆ و پارێزگای دهۆكن".
سەرپەرشتیاری گشتی فیدراسیۆنی پەنابەران ئەوەشی خستەروو لە ئێستادا نوێنەریان بەمەبەستی وەرگرتنی زانیاری زیاتر و دۆزینەوەی بەڵگەنامەی خنكاوەكان و هاوكاریكردنی گەڕانەوەی تەرمەكان بۆ هەرێمی كوردستان سەردانی ئیزمیر دەكات.
هــ. ر
PM:02:16:11/10/2018
ئهم بابهته 3124
جار خوێنراوهتهوه