سوپاسالاری ئێران هۆشداری دەداتە حزبە کوردیەکان
ویستگە نیوز-
سوپاسالاری ئێران هۆشداری دایە حزبە کوردیەکان و
ڕاشیگەیاند حکومەتی هەرێم و عێراق بەرپرسن لە کۆنترۆڵکردنی ئەو حزبانە.
محەمەد حسێن باقری سوپاسالاری ئێران لە کۆنگرەیەکی
ڕۆژنامەوانییدا لە کرماشان ڕایگەیاند "نابێت بارەگای گروپەکانی دژبەری ئێران
لە نزیک سنورەکانی ئێمە بوونی هەبێت و هەرێمی کوردستان و حکومەتی عێراق بەرپرسیارن
لە کۆنتڕۆڵکردنی ئەو گروپانە".
باقریی هۆشداریشی دایە ئەو حزب و گروپە چەکدارانەی
کە لە هەرێمی کوردستانن و وتی "ئاسایشی گەلانی ئێران بابەتێکە کە هەرگیز
چاوپۆشی لێناکەین".
سوپاسالاری ئێران ڕونیشیکردەوە "پێویستە
وڵاتانی دراوسێ لەوانەش عێراق کە هەرێمی کوردستان و حکومەتی ناوەندیی لەخۆ دەگرێت،
بەپێی یاسا نێودەوڵەتییەکان و ئەرکی هاوسێیەتی دژ بە گروپە چەکدارەکان ڕێوشوێن
بگرنەبەر".
چەندی
حزبی کوردیی ڕۆژهەڵاتی کوردستان لە ناو خاکی هەرێمی کوردستانن و چالاکی سیاسی
ئەنجام دەدەن و مانگی ڕابردوش ئێران بە موشەک بارەگاکانی حزبی دیموکراتی کوردستانی
کردە ئامانج و چەندین شەهید و برینداری ڵێکەوتەوە.
AM:10:09:11/10/2018
ئه‌م بابه‌ته 9332
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت