دیندار زێباری: زیاتر لە ٢٤٠ هەزار پەنابەری ڕۆژئاوا لە هەرێمی کوردستاندا هەیە
وێستگه نیوز-ئێن ئاڕتی
دیندار زێباری بەرپرسی وەڵامدانەوەی ڕاپۆرتە نێودەوڵەتییەکان ڕایگەیاند، زیاتر لە ٢٤٠ هەزار پەنابەری ڕۆژئاوا لە هەرێمی کوردستاندا هەیە و لە ماوەی ڕابردووش زیاتر لە ٣٧ کەمپ لە هەرێم هەبووە.
دیندار زێباری لە کۆنفرانسێکی ڕۆژنامەوانیدا ڕاشیگەیاند، ٧٤ هەزار خوێندکاری ئاوارە لە سنوری قوتابخانەکانی هەولێر دەخوێنن و هەروەها ٥٢ هەزاریش لە سلێمانی و ٩٠ هەزاریش لە دهۆک دەخوێنن کە قورساییەکی زۆری دارایی خستووەتە سەر وەزارەتی پەروەردە.
ئاماژەی بەوەشکرد، لە هەرێمی کوردستان زیاتر لە ٣٧ کەمپی بۆ پەنابەران هەبووە و سەرجەم ئەو ئاوارەکانی لە ئەنجامی شەڕەکانی سوریا و هێرشەکانی داعش لە عێراق ئاوارەبوون تێیاندا ژیاون.
ئەوەشی خستە ڕوو، ٣ هەزار و ٤٠٠ ڕێکخراوی نێودەوڵەتی لە هەرێمی کوردستان و زیاتر لە ٣٥ کونسوڵگەری لە هەرێم هەن.
بەرپرسی وەڵامدانەوەی ڕاپۆرتە نێودەوڵەتییەکانی هەرێم وتیشی، لە ماوەی ڕابردوودا دوو هەزار ٦٥٢ کەس بە تۆمەتی داعش بونیان دەستگیركراون و یەک هەزار و١٠٠ کەسیان تۆمەتەکە بەسەریاندا ساغبووەتەوە و یەک هەزار و ٧٠ کەسیشیان بێتاوان بوون، سەبارەت بە ئێزیدیەکانیش وتی، لە ئەنجامی هێرشەکانی داعش سێ هەزار و ٩٥ ئێزیدی بێسەروشوێن بوون.
PM:12:46:25/09/2018
ئهم بابهته 1592
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت