ئەمڕۆ دانیشتنی ئەنجومەنی نوێنەران بەڕێوەدەچێت
وێستگە نیوز-
ئەمڕۆ دانیشتنی
ئەنجومەنی نوێنەرانی عێراق بەڕێوەدەچێت و تێێدا لیژنە هەمیشيیەکان پێکدەهێنرێن و
تاوتوێی دۆخی بەسرە دەکرێت.
سەرکەوت شەمسەدین
پەرلەمانتاری نەوەی نوێ بە وێستگە نیوزی ڕاگەیاند "بڕیارە کەمێکیتر
دانیشتنەکەی پەرلەمان دەستپێبکات و گفتوگۆی چەند بابەتێکی گرنگ بکرێت".
پەرلەمانتارەکەی
نەوەی نوێ وتیشی "بەگوێرەی بەرنامەی کاری دانیشتنەکە ئەمڕۆ لیژنەکانی
ئەنجومەنی نوێنەران پێکدەهێنرێن و لە بڕگەی دوەمیشدا تاوتوێی دۆخی بەسرە
دەکرێت".
لەبارەی پرسی
سەرۆک کۆمارەوە سەرکەوت شەمسەدین وتی "ئەو بابەتە لە بەرنامەی کاردا نیە
بەڵام پێدەچێت لەلایەن پەرلەمانتارانەوە پرسەکە بوروژێنرێت و قسەی لەبارەوە
بکرێت".
بڕیاربوو ئەمڕۆ
ئەنجومەنی نوێنەرانی عێراق سەرۆک کۆمار هەڵبژێرێت بەڵام ئەو بابەتە دواخرا بۆ
کاتێکی نادیار و بەگوێرەی دەستوریش تا سێی مانگی داهاتوو پەرلەمان دەرفەتی دەبێت
بۆ هەڵبژاردنی سەرۆک کۆماری عێراق.
AM:11:45:25/09/2018
ئهم بابهته 1524
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت