سەرۆکی حکومەت واژۆی لەسەر دەستبەکار بوونی پارێزگاری هەڵەبجە کرد
ئازاد تۆفیق
وێستگە نیوز-
سەرۆکی حکومەتی هەرێم و وەزیری ناوخۆ واژۆیان لەسەر دەستبەکار بوونی پارێزگاری هەڵەبجە کرد.
میدیاکانی پارتی بڵاویانکردەوە ئەمڕۆ دووشەممە نێچێرڤان بارزانی سەرۆکی حکومەتی هەرێم و کەریم سنجاری وەزیری ناوخۆ واژۆیان لەسەر دەستبەکاربوونی پارێزگاری هەڵەبجە کردووە و ئازاد تۆفیق وەک پارێزگای ئەو شارە دەستنیشانکراوە.
ئازاد تۆفیق کاندیدی یەکێتی بوو بۆ ئەو پۆستە و ماوەیەکی زۆرە چاوەڕێی واژۆی سەرۆکی حکومەت دەکات بۆ ئەوەی بە فەرمی وەکو پارێزگاری هەڵەبجە دەستبەکار بێت.
ئازاد تۆفیق بە وێستگە نیوزی ڕاگەیاند "لە ئێستاوە پارێزگاری هەڵەبجەم و فەرمانی دەستبەکاربوونم دەرچووە بەڵام بەهۆی سەرقاڵی لایەنەکان بە هەڵىژاردنەوە پێدەچێت دوای هەڵبژاردن بە فەرمی دەستبەکاربم".
ئازاد تۆفیق نوسەر و ڕۆشنبیرە و ئەندامی مەکتەبی ڕاگەیاندنی ئەو یەکێتییە و لەدایکبووی 1963ی هەڵەبجەیە و بڕوانامەی بەکالۆریۆسی هەیە لە زانستە سیاسیەکان.
AM:11:49:24/09/2018
ئه‌م بابه‌ته 4968
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت