هێرشكرایه‌سه‌ر نمایشی‌ سه‌ربازی‌ هێزه‌ چه‌كداره‌كانی‌ ئێران


وێستگه‌ نیوز –
له‌ ناوچەی‌ ئه‌هوازی‌ باشووری‌ ئێران و له‌ كاتی‌ به‌ڕێوه‌چوونی‌ نمایشێكی‌ سه‌ربازی‌ هێزه‌ چه‌كداره‌كانی‌ ئه‌و وڵاته‌دا، ژماره‌یه‌ك چه‌كدار هێرشێكیان ئه‌نجام دا و به‌پێی‌ زانیارییه‌ سه‌ره‌تاییه‌كان ژماره‌یه‌ك كه‌س كوژران و برینداربوون.

ئه‌مڕۆ شه‌ممه‌ هێزه‌ چه‌كداره‌كانی‌ ئێران به‌ سوپای‌ پاسدارانیشه‌وه‌ له‌ شاره‌ جیاوازه‌كانی‌ ئه‌و وڵاته‌ ده‌ستیان كرد به‌ ئه‌نجامدانی‌ نمایشی‌ سه‌ربازی‌ به‌بۆنه‌ی‌ ساڵیادی‌ ده‌ستپێكردنی‌ شه‌ڕی‌ هه‌شت ساڵه‌ی‌ عیراق- ئێران.

میدیاكانی‌ ئێران بڵاویانكرده‌وه‌ كه‌ له‌ كاتی‌ به‌ڕێوه‌چوونی‌ نمایشی‌ سه‌ربازی‌ هێزه‌ چه‌كداره‌كان له‌ ناوچەی‌ ئه‌هواز، چه‌ند چه‌كدارێك ده‌ستیان به‌ ته‌قه‌كردن كرد.

میدیاكانی‌ ئێران ده‌ڵێن: "به‌پێی‌ زانیارییه‌ سه‌ره‌تاییه‌كان له‌ ئه‌نجامی‌ هێرشه‌كه‌دا ژماره‌یه‌ك كه‌س شه‌هید و برینداربوون و هێرشه‌كه‌ش تیرۆریستی‌ بووه‌".



AM:09:12:22/09/2018


ئه‌م بابه‌ته 9649 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت

زۆرترین خوێندراو