فازڵ میرانی: ئەگەر لەگەڵ یەکێتی رێکنەکەوین کاندیدمان بۆ پۆستی سەرۆک کۆمار دەبێت

‌فازڵ میرانی سکرتێری مەکتەبی سیاسیی پارتی دیموکراتی کور

هەروەها فازڵ میرانی بە شێوەیەکی ناڕاستەوخۆ ڕەخنەی لە فوئاد مەعسوم گرتووە و دەڵێت: "ئەگەر من ببمە سەرۆک کۆمار، لەوێ دانانیشم بە تەنها "موخەسەسات" وەربگرم و هەر فشارێک لە کورد کرا بێدەنگ لەوێ دانانیشم".

لە بەشێکی دیکەی قسەکانیدا سەبارەت بە کۆبوونەوەکانی پارتی و یەکێتی لەگەڵ لایەنە عیراقییەکان پێکهێنانی حکومەتی نوێی عیراق، میرانی ئاماژەی بەوەدا: "ئەگەرچی دوو هاوپەیمانییە گەورە عیراقییەکەی پێکهاتووە مەمنوونمان بوون و فشاری هەرێمی و نێودەوڵەتی هەبوو، بەڵام کورد نەیویست بچێتە ناو ئەو ململانێیەی نێوان لایەنە عیراقییەکان، ئێستا ئێمە قازانجمان کرد".

سکرتێری مەکتەبی سیاسی پارتی دیموکراتی کوردستان باسی لە گفتوگۆی پارتی و یەکێتی کرد لە بەغدا و رایگەیاند: "ئێمە و یەکێتی پڕۆژەیەکی هاوبەشمان بردە بەغدا، حەزماندەکرد ئەو پڕۆژەیە هی هەموو لایەنەکان بێت، داوامان لە لەلایەنە عیراقییەکان کرد کە بگەڕێنەوە سەر شێوەی کارکردنی جاران و مافی پێشمەرگە و زیندانیانی سیاسی و شەهیدەکانمان لەچوارچێوەی بەرنامەی حکومەتی عیراق بێت، خۆشبەختانە ئەو لیستانەی گەورەن لە بەغدا لەبارەی داواکارییەکانی کوردەوە دەڵێن شتیواتان داوا نەکردووە کە بە ئێمە نەکرێت هەموو داواکارییەکانتان دەستوورین و لەجێی خۆیدان".

میرانی لە بارەی رێککەوتنی لایەنە عیراقییەکان لەگەڵ کورد بۆ حکومەتی داهاتووی عیراق دەڵێت: "جۆرێک لە رێککەوتن هەیە لە نێوان فەتح، سائیروون، بەشێک لە سوننە، زۆرینەی کورد (ئێمە و یەکێتی) بەنیازین"فەزایەکی نیشتمانی"دروستبکەین، چونکە کە ئەم "فەزایە"مان دروستکردەوە نەک لیستی گەورە، ئەگەر لیستی گەورە بێت دواتر لەناو پەرلەمان دووبارە پێویستمان بە(50+1) دەبێت بۆ دەنگدان بە کاندیدی پۆستی سەرۆکوەزیرانی عیراق".

سکرتێری مەکتەبی سیاسی پارتی دیموکراتی کوردستان لە چاوپێککەوتنەکەیدا لەگەڵ دەنگی ئەمریکا رەتیکردەوە کورد ببێتە ئۆپۆزیسیۆن لە حکومەتی داهاتووی عیراق و رایگەیاند، ئێمە وەک پارتی و یەکێتی بەرپرسیارێتی میللەتێکمان لەملدایە، ئەو بەرپرسیارێتییە بە ئۆپۆزیسیۆن بوون جێبەجێنابێت، میللەتێک نابێتە ئۆپۆزیسیۆن، ئێمە بەتەنها حیزبی سیاسی نین.