ئەندامێکی ئەنجومەنی گشتی هاوپەیمانی: بەرەی یەکێتی و هاوپەیمانی فراوانتر دەبێت
وێستگە نیوز-
ئەندامێکی ئەنجومەنی گشتی هاوپەیمانی
ڕایگەیاند جواگرافیای هاوبەش نەخشەڕێگای هاوبەشی دەوێت و دەشڵێت بەرەی یەکێتی و
هاوپەیمانی فراوانتر دەبێت و حزبی تریشی بۆ زیاد دەبێت.
دەلیل جەمال ئەندامی ئەنجومەنی گشتیی
هاوپەیمانی لە نوسینێکدا کە لە پێگەی خۆی لە تۆڕێ کۆمەڵایەتی فەیسبوک
بڵاوکردوەتەوە ڕایگەیاندووە "جوگرافیای
هاوبەش کاری هاوبەش و پێکەویی دەوێت، هەمیشە غیابی عەقڵی پێکەوەیی و دیالۆگ زەڕبەی
کوشندەی لە جوگرافیای سەوز داوە".
دەلیل جەمال ئاماژەی بەوەشکردووە "باشترین
بژاردە ڕێکخستنەوە و نزیکی و دیالۆگی مەبدەئیانەی جەمسەرەکانی زۆنی سەوزە".
لە
کۆتایی نوسینەکەیدا ئەو ئەندامەی ئەنجومەنی گشتی هاوپەیمانی ئاشکراشیکردووە ئەو
بەرەیەی کە یەکێتی و هاوپەیمانی پێکیدەهێنن فراوانتر دەبێت و هێزی تریش تێیدا
بەشدار دەبن.
ئەوەش لەکاتێکدایە ئەمڕۆ هەینی یەکێتی
نشتیمانی کوردستان و هاوپەیمانی دیموکراسی و دادپەروەری لە ئاستی باڵا کۆبونەوەیان
ئەنجامدا و دوای کۆبونەوەکەش ڕاگەیەندراوێکی کورتیان بڵاوکردەوە و جەختیان لە
بەردەوامی گفتوگۆکانیان کردەوە.
PM:10:15:14/09/2018
ئهم بابهته 2276
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت