بە وێنە؛ درووشمە هەورامیەکانی قوباد تاڵەبانی
وێستگە نیوز-
لە ناوچەی
هەورامان چەندین وێنەی قوباد تاڵەبانی هەڵواسراون کە بە زاراوەی هەورامی لەسەریان
نوسراوە و هەندێک لە نوسراوەکان جیاوازن لە درووشمە سەرەکیەکەی یەکێتی و بڕیاریشە
سبەینێ ناوبراو سەردانی ئەو ناوچەیە بکات.
سەمیر هەورامی وتەبێژی
بانگەشەی قوباد تاڵەبانی سەرۆکی لیستی یەکێتی بۆ هەڵبژاردن بە وێستگە نیوزی
ڕاگەیاند "لە هەورامان ئەندامان و لایەنگرانی یەکێتی هەستاون بە چاپکردن و
هەڵواسینی چەندین وێنەی قوباد تاڵەبانی کە
دروشمەکانی یەکێتییان لەسەر بە زاراوەی هەورامی".
وتەبێژەکە وتیشی
"جیا لە دروشمە سەرەکیەکانی یەکێتی بۆ هەڵبژاردن چەند دروشمێکی تریش لەسەر
پۆستەرەکانە کە ڕەنگدانەوەی خواستی لایەنگرانمانن لەو ناوچەیە".
سەمیر هەورامی
ڕونیشیکردەوە سبەینێ شەممە یەکێتی نشتیمانی کوردستان مەراسیمی بانگەشەی هەڵبژاردن
لە هەڵەبجە بەڕێوەدەبات کە تایبەت دەبێت بە دانیشتوانی هەڵەبجە و شارەزور و
هەورامان و قوباد تاڵەبانی سەرۆکی
لیستیەکەش لە مەراسیمەکەدا بەشداری دەکات و وتاری دەبێت.
PM:06:31:14/09/2018
ئه‌م بابه‌ته 13193
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت