بێجی.. له‌ بۆسه‌یه‌كی داعشدا هاوڵاتییه‌ك كوژرا


وێستگه‌ نیوزـ

قایمقامی قه‌زای بێجی رایگه‌یاند، چه‌كدارانی داعش له‌ گوندێكی سه‌ربه‌و قه‌زایه‌ بۆسه‌یه‌كیان داناوه‌ و كه‌سێكیان كوشتوه‌.

محه‌مه‌د مه‌حمود، قایمقامی قه‌زای بێجی له‌ لێدوانێكی رۆژنامه‌وانیدا ئاشكرایكرد كه‌ چه‌كدارانی داعش بۆسه‌كه‌یان له‌سه‌ر رێگای گوندی شویش-ی سه‌ربه‌و قه‌زایه‌ داناوه‌ و دانیشتویه‌كی گونده‌كه‌یان كوشتووه‌.

وتیشی كه‌ هێزێكی ئه‌منی چونه‌ته‌ شوێنی كوشتنی گوندنشینه‌كه‌ و ته‌رمه‌كه‌یان بۆ پزیشكی دادی گواستوه‌ته‌وه‌.

پاشماوه‌كانی رێكخراوی داعش ناوبه‌ناو هێرشی جیاجیا ده‌كه‌نه‌وه‌ سه‌ر ئه‌و ناوچانه‌ی له‌ چنگیان ده‌رهاتووه‌، هێزه‌ ئه‌منییه‌كانی عیراقیش روبه‌ڕویان ده‌بنه‌وه‌ و زۆربه‌ی هێرشه‌كانیان پوچه‌ڵ ده‌كه‌نه‌وه‌.


PM:11:39:13/09/2018


ئه‌م بابه‌ته 3077 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت