سه‌یرترین هاوسه‌رگیری له‌ دنیادا

‌

هۆگربونی هه‌ندێك كه‌س به‌ ئاژه‌ڵه‌ ماڵییه‌كان یان هه‌ندێك كه‌لوپه‌ل چوه‌ته‌ ئاستی زیاده‌ڕۆیی و جیهانیان شۆك كرد كاتێك هاوسه‌رگیریی خۆیان له‌گه‌ڵ ئه‌و شتانه‌دا راگه‌یاند.

یه‌كێك له‌وانه‌ جێنیفه‌ر هۆز-ی خانمه‌ نیگاركێشی هۆڵه‌ندی و خانمه‌ بێژه‌رێكی رادیۆیه‌كی میسر بوو كه‌ بڕیاریاندا شوو به‌ خۆیان بكه‌ن و بیسه‌لمێنن خۆشگوزه‌رانیی ژن هه‌ر ئه‌وه‌ نییه‌ شوو به‌ پیاوێك بكه‌ن، یان ئه‌و منداڵه‌ی باشوری ئه‌فریقا كه‌ ته‌مه‌نی 9 ساڵ بووه‌ و هاوسه‌رگریی له‌گه‌ڵ ژنێكی 62 ساڵه‌ كرد تا بتوانێت خه‌ونه‌كه‌ی داپیره‌ی بهێنێته‌ دی كه‌ له‌ وه‌سیه‌تنامه‌كه‌یدا وتبوی خوازیاره‌ نه‌وه‌كه‌ی ببینێت هاوسه‌رگیری بكات.

هه‌ندێكی دیكه‌ شویان به‌ كه‌لوپه‌له‌كانی خۆیان كردوه‌، ئه‌مه‌ش وه‌ك ئالوده‌بون و نه‌خۆشیی لێهاتووه‌، وه‌ك ئه‌و پیاوه‌ چینییه‌ كه‌ هاوسه‌رگیریی له‌گه‌ڵ یارییه‌ ئه‌لیكترۆنیه‌كه‌یدا خۆیدا كرد.

کچێکی هندستانی لە ئاهەنگێکی فەرمیدا شوی بە سەگێک کرد


ژنێک شوی بە مارێک کرد و وتی هەست بە خۆشەویستیەکەی گەورە بەرامبەر ئەو مارە دەکات


پیاوێکی چینی سەرینەکەی خۆی هێنا و لە ساڵی 2010 ئاهەنگیشی بۆ سازکرد


هاوسەرگیریی پیاوێکی بەریتانیی تەمەن 55 ساڵ لەگەڵ بوکەڵەیەک کە لە قەبارەی مرۆڤێکی ئاساییدایە


دەرهێنەرێکی ژاپۆنی هاوسەرگیریی لەگەڵ تەرمی دەستگیرانەکەیدا کرد، ئەوەش دوای ئەوەی کچەکە لە روداوێکی هاتوچۆدا گیانی لەدەستدابوو


جێنیفەر هۆز، خانمە نیگارکێشی هۆڵەندی سالی 2003 لە ئاهەنگێکی گەورەدا شوی بەخۆی کرد


پیاوێکی چینی شوی بەخۆی کرد و وێنەی خۆی بە جلی بوکێنییەوە گرت و لەخۆیی مارەکرد


ئیمی وۆڵف، کوڕێکی ئەمریکاییە و هاوسەرگیریی لەگەڵ یارییکەی شاری یاریدا کرد


ئیجا ریتا، ساڵێ 1979 شوی بە دیواری بەرلین کرد و ناوی خۆی گۆڕی بۆ ئیجا دیواری بەرلین


ئیسرا ئەلهەجان، کچە بێژەرێکی رادیۆی میسر شوی بەخۆی کرد و زەماوەندیشی گێڕا


پیاوێکی هندی بەناوی دافاکات، ساڵی 2000 هاوسەرگیریی لەگەڵ بوکەڵەکەی خۆیدا کرد


زەین و فەریدە، دوو منداڵی میسرین و بە هاوسەرگیریان بونە بچوکترین ژن و مێردی جیهان


هاوسەرگیریی پیرە پیاوێکی تەمەن 75 ساڵی بەرازیلی و بزنەکەی


هاوسەرگیریی منداڵێکی تەمەن 9 ساڵ و ژنێکی 62 ساڵ لە باشوری ئەفریقا


ساڵی 2008 ئەم خانمە بەناوی ئێریکا شوی بە تاوەری ئیفڵ لە فەرەنسا کرد و ناوی خۆشی لە بەڵگەنامە رەسمییەکاندا گۆڕی


ژنەکەی ناپاکیی لێکرد، ئەم پیاوە ئەڵمانییەش بوکەڵەیەکی لەخۆی مارە کرد


هاوسەرگیریی پیاوێکی هندی و سەگەکەی کە دوو هەزار کەس ئامادەی ئاهەنگەکەی بوون


پیاوێکی چینی هاوسەرگیریی لەگەڵ ژنێکی خەیاڵی کرد کە لە یاریی نێتیندۆ بەدڵی خۆی وێنای کێشابوو


بەریتانیا.. خانمێک لە سالێ 2006 شوی بەو دۆلفینە کرد کە ماوەی 10 ساڵ مەشق و راهێنانی پێ دەکرد


پیاوێکی ئەڵمانی لە مەرسیمی فەرمیدا هاوسەرگیریی لەگەڵ پشیلەکەی کرد


هەندێک پیاوی ئەمریکاش هاوسەرگیریی خۆیان لەگەڵ ئۆتۆمبیلەکانیان راگەیاندووە