ڤیدیۆی چالاكییه‌كی گه‌ریلاكانی هه‌په‌گه بڵاوكرایه‌وه
وێستگه نیوز -
گه‌ریلا تی ڤی دیمه‌نی چالاكییه‌كی گه‌ریلاكانی هێزه‌كانی پاراستنی گه‌ل "هه‌په‌گه"ی بڵاوكرده‌وه كه له دژی تابوری «گردی گوریای ناوچه‌ی جزیری شرناخ ئه‌نجامیان دابوو.
گه‌ریلا تی ڤی، دیمه‌نی چالاكییه‌كی گه‌ریلاكانی هێزه‌كانی پاراستنی گه‌ل - هه‌په‌گه‌ی بڵاوكرده‌وه كه له 18ی مارس له دژی تابوری «گردی گوریا»ی ناوچه‌ی جزیر-ی شرناخ ئه‌نجامیان دابوو.
به‌گوێره‌ی ئاژانسی فوڕات نیوز، له‌و چالاكییه‌دا 2 سه‌ربازی توركیا كوژراون و 6 سه‌ربازی دیكه‌ش بریندار بوون.
هه‌په‌گه له راگه‌یه‌نراوێكدا له دوای چالاكییه‌كه رایگه‌یاندبووكه "18ی مارس كاتژمێر 9 هێزه‌كانمان له دژی تابوری «گردی گوریا»ی ناوچه‌ی جزیر-ی شرناخ چالاكییه‌كیان ئه‌نجامدا و گورزی توندیان له خانووه‌كانی دوژمندا كه له‌نێو تابوره‌كه بوون".
هه‌په‌گه ده‌ڵێت: "به‌گوێره‌ی ئه‌و زانیارییانه‌ی ده‌ستمان كه‌وتووه، له‌و چالاكییه‌دا 2 سه‌رباز كوژران و 6ی دیكه‌ش بریندار بوون".
AM:10:57:21/04/2018
ئه‌م بابه‌ته 3772
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت